| e-texts navigator |
| Wylie |
242b1 དེའི་ཚེ་ན་སྤྲེའུ་དེས་འགྲེང་བ་དེ་དག་གི་རྐང་པ་ནས་ལག་པ་ཡ་གཅིག་གིས་བཟུང་སྟེ་འཐུར་དུ་དྲངས་སོ།། མེ་འབུད་པ་དག་གི་མེ་བསད་ནས་ལུས་དྲང་པོར་འདུག་སྟེ་བསམས་པ་ཡིད་ལ་བྱེད་དོ།། དེ
242b2 ནས་ཀུན་ཏུ་རྒྱུ་དེ་རྣམས་གཅིག་ལ་གཅིག་འདི་སྐད་ཅེས་སྨྲས་སོ། ། སྤྲེའུ་འདིས་བདག་ཅག་ཀྱང་སྤྱོད་ལམ་འདི་ལྟ་བུར་འདུག་ཅིག་ཅེས་བྱ་བའི་ཐ་ཚིག་སྟེ། བདག་ཅག་ཀྱང་སོ་སོ་ནས་ལུས་དྲང
242b3 པོར་བསྲང་སྟེ་དོན་ལ་བརྟག་གོ་ཞེས་བྱས་ནས། དེ་དག་དེ་ལྟར་བྱས་མ་ཐག་ཏུ་སེམས་ཀྱིས་ཁོང་དུ་ཆུད་ཅིང་རྟོགས་ཏེ། རང་སངས་རྒྱས་སུ་གྱུར་ཏོ།། དེའི་ཚེ་དེའི་དུས་ན་སྤྲེའུ་དེ་ནི་དེ་ལྟར་ང
242b4 ཡིན་ནོ། ། འཁོར་རྣམས་ཀྱིས་སྨྲས་པ། འོ་ན་ཅིའི་ཕྱིར་སྤྲེའུའི་ལུས་སུ་གྱུར། ཨུ་པ་གུབ་ཏས་སྨྲས་པ། སྔོན་འདས་པའི་བསྐལ་བ་དགུ་བཅུ་རྩ་གཅིག་གི་ཕ་རོལ་ན། སངས
242b5 རྒྱས་རྣམ་པར་གཟིགས་འཇིག་རྟེན་དུ་གཤེགས་ཏེ། དགེ་སློང་རྣམས་ནི་བཱ་རཱ་ནཱ་སི་ན་དྲང་སྲོང་ལྷགས་པའི་རི་ལ་གནས་སོ།། དེའི་ཚེ་ན་འབྲས་བུ་ཐོབ་པའི་དགེ་སློང་གཅིག་རིའི་རྩེ་མོར་མགྱོགས
242b6 པཔར་སོང་བ་དང་། དེ་ལ་དགེ་སློང་གཞོན་ནུ་ཞིག་གིས། དགེ་སློང་དེ་ནི་མགྱོགས་ཁྱད་སྤྲེའུ་དང་འདྲའོ་ཞེས་སྨྲས་ཏེ། དེའི་རྒྱུ་དེའི་རྐྱེན་གྱིས་སྐྱེ་བ་ལྔ་བརྒྱའི་བར་དུ་སྤྲེའུའི་ལུས་ཐོབ་པར་གྱུར་ཏོ།། དེ་བས
242b7 འཁོར་བཞི་པོ་དག་ངག་གི་ལས་ཡོངས་སུ་བསྡམས་ཏེ་མི་དགོས་པ་མི་སྨྲའོ། ། ཨུ་པ་གུབ་ཏས་ཆོས་འདི་བསྟན་པའི་ཚེ། འཁོར་མང་པོ་རྣམས་ལ་ལ་ནི་རྒྱུན་དུ་ཞུགས་པ་དང་། ལན་ཅིག་ཕྱིར་ལྡོག
iiif viewer powered by OpenSeadragon
