| e-texts navigator |
| Wylie |
241a1 མི་འདོད་དོ། ། དོར་བར་བྱས་པ་ལས་མཐུ་སྟོབས་ཅི་ཡོད་པ་གཏུགས་ཀྱང་དོར་མ་ནུས་སོ།། དེ་ནས་བརྒྱ་བྱིན་གྱི་ཐད་དུ་སོང་སྟེ། མི་གཙང་བ་འདི་འོར་ཅིག་ཅེས་སྨྲས་ན།
241a2 བརྒྱ་བྱིན་གྱིས་སྨྲས་པ། འདི་ལྟ་བུ་སུས་བྱས་པ་ཉིད་ཀྱིས་དོར་ནུས་ཀྱི། བདག་ལ་ནི་དོར་ནུས་པའི་མཐུ་མེད་དོ།། བདུད་སྡིག་ཏོ་ཅན་གྱིས་ལྷ་ཀུན་དང་། ཚངས་པའི་རྒྱལ་པོའི་བར་དུ་བདག་གིས་མི
241a3 གཙང་བ་འདི་འོར་ཅིག་ཅེས་སྨྲ་ན། སྔ་མས་སྨྲས་པ་དང་འདྲ་སྟེ། ངེད་ལ་འདི་དོར་བའི་མཐུ་མེད་དོ་ཞེས་སྨྲས་པས། ཅི་བྱར་མི་རུང་ནས་ཕྱིར་བཙུན་པའི་དྲུང་དུ་འོངས་ནས་འདི་སྐད་ཅེས་སྨྲས་སོ།།
241a4 སངས་རྒྱས་བཅོམ་ལྡན་འདས་ནི་ཡོན་ཏན་ཆེན་པོ་དང་ལྡན་པ་བདེན་ཏེ། བྱམས་པའི་ཐུགས་ཕྱོགས་གཅིག་ཏུ་མ་གྱུར་ཏོ།། ཁྱེད་ཉན་ཐོས་རྣམས་ནི་འཇིགས་སུ་རུང་བ་མ་རུང་བའོ།། ཅི་མངོན་ཞེ་ན།
241a5 ངས་སྔོན་ཡི་དགས་ཀྱི་དཔུང་ཁྲི་ཕྲག་བརྒྱད་ཅུ་བ་སོགས་ཏེ། བྱང་ཆུབ་སེམས་དཔའ་ལ་བསྐོར་ནས་བྱང་ཆུབ་ལས་ཉམས་པར་བྱ་བར་བརྒལ་བ་ལས། འོན་ཀྱང་ཐུགས་རྗེ་བསྐྱེད་དོ།། བདག་ལ་དགྲར
241a6 མི་དགོངས་སོ། ། ད་བདག་གིས་ཀྱལ་ཀ་ཅུང་ཟད་ཅིག་བྱས་པས་ལན་དུ་འདི་འདྲ་བར་བྱས་སོ།། ཨུ་པ་གུབ་ཏས་སྤྲས་པ། ཁྱོད་ཟེར་བ་བདེན་ཏེ། སངས་རྒྱས་དང་ངར་བསྐྲུན་ན་བརྒྱ་འགྱུར་སྟོང
241a7 འགྱུར་དུ་ཡང་དཔེ་བྱར་མི་རུང་སྟེ། རི་རབ་ལྷུན་པོ་ཉུངས་ཀར་དང་བསྐྲུན་པ་འམ། རྒྱ་མཚོ་ཆེན་པོ་དང་བ་རྨིག་གི་ཆུར་བསྐྲུན་པ་འམ། སེང་གེའི་རྒྱལ་པོ་དང་། ཝ་ར་བསྐྲུན་པ་དང་འདྲ་སྟེ། ཆེ་ཆུང་གི
iiif viewer powered by OpenSeadragon
