| e-texts navigator |
| Wylie |
239b1 མ་བཏུབ་ནས། ཡང་དང་ཡང་བོས་ཀྱང་འགྲོར་མ་བཏུབ་བོ།། དེའི་ཚེ་སྨད་འཚོང་མ་དེ་རྒྱལ་བུ་ཞིག་དང་འགྲུལ་ཏེ། རྒྱལ་བུ་དེའི་གོས་རིན་པོ་ཆེ་ལ་ཆགས་པས། གསང་སྟེ་རྒྱལ་བུ་བསད་ནས་རོ་སྦས
239b2 སོ། དེ་ནས་རྒྱལ་པོས་ཁྱིམ་དག་བཙལ་བ་དང་། སྨད་འཚེང་མའི་ཁྱིམ་ནས་རྒྱལ་བུའི་རོ་རྙེད་དེ། སྨད་འཚོང་མ་དེའི་རྐང་ལག་ཀྱང་གཏུབས། རྣ་བ་དང་སྣ་ཡང་བཅང་ནས་ཤིང་ཀར་བཏགས
239b3 ཏེ་དུར་ཁྲོད་དུ་བཙུགས་སོ། ། དེ་ལྟར་བྱས་ཀྱང་ད་དུང་སྲོག་མ་ཆད་པས། ཨུ་པ་གུབ་ཏ་དེའི་དྲུང་དུ་སོང་བ་དང་། སྨད་འཚོང་མས་འདི་སྐད་ཅེས་སྨྲས་སོ།། སྔོན་སྡུག་པའི་ཚེ་ནི་འོང་དུ་མ་བཏུབ་ལ།
239b4 ད་མ་རུང་བར་གྱུར་པའི་འོག་ཏུ་གར་འགྲོ་ཞེས་སྨྲས་པ་དང་། ཨུ་པ་གུབ་ཏས་སྨྲས་པ། ཁྱོད་ཀྱི་མངའ་བྱད་འདོད་པའི་ཕྱིར་འདིར་འོངས་པ་མ་ཡིན་གྱི། ཁྱོད་ལ་སྙིང་བརྩེ་བའི་ཕྱིར་འདིར་འོངས་སོ།
239b5 ཞེས་སྨྲས་ནས། མི་རྟག་པའི་ཆོས་རྣམ་པ་བཞི་པོ་འདི་དག་བསྟན་ཏོ།། ལུས་འདི་ནི་མི་གཙང་བ། སྡུག་བསྔལ་བ། སྟོང་པ། བདག་མེད་པ་སྟེ། རེ་རེ་ནས་བརྟགས་ཤིང་ཡིད་བརྟན་དུ་མི
239b6 རུང་ངོ་། གང་གླེན་པ་གཏི་མུག་ཅན་ནི་དེ་ལ་ཆགས་སོ།། སྨད་འཚོང་མས་ཆོས་དེ་དག་ཐོས་ནས། ཆོས་ལ་ཆོས་ཀྱི་མིག་རྣམ་པར་དག་པར་གྱུར་ཏོ།། ཨུ་པ་གུབ་ཏ་ནི་ཕྱིར་མི་ལྡོག་པའི་འབྲས
239b7 བུ་ཐོབ་བོ། ། དེ་ནས་ཡ་ཤེའི་ཀིས་ཁྱིམ་བདག་དེ་ལས་གཞོན་ནུ་བསླངས་ནས་རབ་ཏུ་དབྱུང་ངོ་ཞེས་བྱས་པ་དང་། ཁྱིམ་བདག་གིས་ཀྱང་དེ་བཞིན་དུ་ཕུལ་ནས། གཙུག་ལག་ཁང་དུ་ཁྲིད་དེ་ཁྲིམས
iiif viewer powered by OpenSeadragon
