| e-texts navigator |
| Wylie |
238a1 དང་ཤེས་རབ་ཏུ་ལྡན་ཏེ། སེམས་ཅན་རྡུལ་སྙེད་ཅིག་གི་དོན་བྱེད་པར་འགྱུར་རོ།། བཅོམ་ལྡན་འདས་མྱ་ངན་ལས་འདས་ཀར་ཀུན་དགའ་བོ་ལ་ཡང་འདི་སྐད་ཅེས
238a2 བཀའ་སྩལ་ཏོ། ། ང་མྱ་ངན་ལས་འདས་ནས་མདོ་སྡེའི་སྡེ་སྣོད་ཐམས་ཅད་ཁྱོད་ལ་གཏད་ཀྱིས། ཁྱོད་ཀྱིས་གཟུངས་སུ་ཟུང་ལ་རྒྱས་པར་བྱོས་ཤིག་ཅེས་བཀའ་སྩལ་ནས། བཅོམ་ལྡན་འདས
238a3 མྱ་ངན་ལས་འདས་པའི་འོག་ཏུ་ཀུན་དགའ་བོས་ཆོས་ཀྱི་སྡེ་སྣོད་ཀུན་བཟུང་ངོ་། ། ཀུན་དགའ་བོ་ལུས་ཡོངས་སུ་གཏོང་བ་ན། ཉེ་གནས་ཡ་ཤེ་ཀེའི་ཀི་ལ་འདི་སྐད་ཅེས་བསྒོའོ།། ང་འདས་པའི
238a4 འོག་ཏུ་མདོ་སྡེ་ཀུན་ཁྱོད་ལ་གཏད་ཀྱིས་གཟུངས་སུ་ཟུང་ཞིག་ཅེས་བསྒོ་ནས། ཡང་འདི་སྐད་ཅེས་སྨྲས་སོ།། ཡུལ་བཱ་རཱ་ནཱ་སི་ན་ཁྱིམ་བདག་གུབ་ཏེ་ཞེས་བྱ་བ་ལ། བུ་ཨུ་པ་གུབ་ཏ་ཞེས་བྱ་བ་ཞིག
238a5 ཡོད་ཀྱིས། ཁྱོད་ཀྱིས་སློངས་ལ་རབ་ཏུ་ཕྱུང་ཞིག། ཁྱོད་འདས་པའི་འོག་ཏུ་ཆོས་ཀྱང་དེ་ལ་གཏོད་ཅིག་ཅེས་བསྒོའོ།། ཀུན་དགའ་བོ་འདས་པའི་འོག་ཏུ་ཡ་ཤེའི་ཀིས་དམ་པའི་ཆོས་བཟུང་སྟེ།
238a6 འཇིག་རྟེན་ན་སེམས་ཅན་གྱི་དོན་མང་དུ་བྱས་སོ།། དེ་ནས་བཱ་རཱ་ནཱ་སིའི་གྲོང་ཁྱེར་དུ་སོང་སྟེ། ཁྱིམ་བདག་དེ་དང་བཤེས་པར་བྱས་ནས་ཡང་དང་ཡང་དེའི་ཁྱིམ་དུ་སོང་སྟེ་ཡིད་གཅུགས་པར་བྱས་སོ།།
238a7 ཁྱིམ་བདག་དེ་ལ་བུ་ཁྱེའུ་ཞིག་བཙས་ནས། མིང་ཨུ་པ་གུབ་ཏ་ཞེས་བྱ་བར་བཏགས་ཏེ། ཆུང་ངུ་ཤེད་མ་བྱེ་བ་ནས་ཡ་ཤེའི་ཀིས་བསླངས་ཏེ་རབ་ཏུ་དེ་འབྱུང་བར་བྱས་པ་ལས། ཁྱིམ་བདག
iiif viewer powered by OpenSeadragon
