| e-texts navigator |
| Wylie |
237b1 བཅོམ་ལྡན་འདས་ཀྱིས་དེ་སྐད་ཅེས་གསུངས་ནས། འཁོར་མང་པོའི་རྣམས་ལ་ལ་ནི་རྒྱུན་དུ་ཞུགས་པ་དང་། ལན་ཅིག་ཕྱིར་ལྡོག་པ་དང་། ཕྱིར་མི་ལྡོག་པ་དང་། དགྲ་བཅོམ་པ་ཐོབ་བོ།། ཁ
237b2 ཅིག་ནི་བླ་ན་མེད་པའི་བྱང་ཆུབ་ཏུ་སེམས་བསྐྱེད་ནས་ཕྱིར་མི་ལྡོག་པའི་ས་ལ་གནས་པར་གྱུར་ཏེ། སངས་རྒྱས་ཀྱིས་གསུངས་པ་ལ་རྗེས་སུ་ཡི་རངས་ནས་མངོན་པར་དགའ་འོ།། བུ་མོ་སུ་མ་ནའི་བུ
237b3 བཅུའི་ལེའུ་སྟེ་བཞི་བཅུ་རྩ་དྲུག་པའོ། ། ། ཨུ་པ་གུབ་ཏའི་ལེའུའོ།། འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ
237b4 བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། ། དེའི་ཚེ་ཡུལ་དེ་ན་ཀུན་ཏུ་རྒྱུ་ཨུ་པ་གུབ་ཏ་ཞེས་བྱ་བ། ཡིད་གཞུངས་ཤིང་ཤེས་པ་མང་བ་ནི་འདས་པ་དང་ད་ལྟར་ལ་མཁས
237b5 པ་ཞིག་སྟེ། བཅོམ་ལྡན་འདས་གང་ན་བར་སོང་ནས་རབ་ཏུ་འབྱུང་ངོ་ཞེས་གསོལ་ཏོ།། གལ་ཏེ་བདག་རབ་ཏུ་བྱུང་ནས་ཤེས་རབ་དང་སྤོབས་པ་ཤཱ་རིའི་བུ་དང་མཉམ་ན་རབ་ཏུ་འབྱུང་གི། དེ་ཙམ
237b6 མི་ཕོད་ན་ཕྱིར་ཁྱིམ་དུ་མཆིའོ་ཞེས་གསོལ་པ་དང་། བཅོམ་ལྡན་འདས་ཀྱིས་དེ་ཙམ་མི་ཕོད་དོ་ཞེས་བཀའ་སྩལ་ནས། ཀུན་ཏུ་རྒྱུ་དེ་རབ་ཏུ་འབྱུང་དུ་མ་བཏུབ་ནས་ཕྱིར་ཁྱིམ་དུ་སོང་ངོ་།། བཅོམ
237b7 ལྡན་འདས་ཀྱིས་དུས་གཞན་ཞིག་ན། འཁོར་མང་པོ་ལ་འདི་སྐད་ཅེས་བཀའ་སྩལ་ཏོ།། ང་མྱ་ངན་ལས་འདས་ནས་ལོ་བརྒྱ་ལེན་པ་དང་། བྲམ་ཟེ་འདི་རབ་ཏུ་བྱུང་ནས་མངོན་པར་ཤེས་པ་དྲུག
iiif viewer powered by OpenSeadragon
