| e-texts navigator |
| Wylie |
236a1 ཀྱིས་སངས་རྒྱས་ཞེས་བྱ་བ་ཅི་ཡིན་སྟོན་ཅིག་ཅེས་སྨྲས་སོ། ། ཅི་ཁྱེད་ཀྱིས་མ་ཐོས་སམ། རྒྱལ་པོ་ཡབ་ཟས་གཙང་མའི་སྲས་སྐུ་མཛེས་ཤིང་བཟང་བ་འཁོར་ལོས་སྒྱུར་བའི་རྒྱལ
236a2 པོར་འགྱུར་བ་ལས། རྒ་བ་དང་། ན་བ་དང་། ཤི་བ་མ་འདོད་དེ། རབ་ཏུ་བྱུང་ནས་ལམ་བསྒོམས་པས་སྨོན་ལམ་བཞིན་དུ་གྲུབ་སྟེ། བླ་ན་མེད་པའི་འབྲས་བུ་ཐོབ་ནས་སྐུ་ཁྲུ་བཅུ་དྲུག་པ
236a3 མཚན་དང་དཔེ་བྱད་ཀྱིས་ཡོངས་སུ་བརྒྱན་པ། རིག་པ་གསུམ་དང་མངོན་པར་ཤེས་པ་དྲུག་ཏུ་ལྡན་པ། སྔ་མ་འདས་པ་ཤེས་པ་ཡང་མཐའ་མེད་ལ། ཕྱིས་འབྱུང་བ་ཤེས་པ་ཡང་མཐའ་མེད
236a4 དེ་དུས་གསུམ་ནི་ལག་མཐིལ་ན་འབྲས་བུ་བཞག་པ་དང་འདྲའོ་ཞེས་སྨྲས་པ་བུ་རྣམས་ཀྱིས་ཐོས་ནས་རབ་ཏུ་དགའ་སྟེ། སངས་རྒྱས་དེ་ད་ལྟར་འདི་ནས་ཉེ་རིང་ཇི་ཙམ་ཞིག་ན་བཞུགས་པ་མཐོང་བར
236a5 རུང་ངམ་ཞེས་སྨྲས་པ་དང་། མས་སྨྲས་པ། ད་ལྟར་མཉན་ཡོད་ན་བཞུགས་ཏེ་མཐོང་དུ་རུང་ངོ་།། བུ་རྣམས་ཀྱིས་སྨྲས་པ། འོ་ན་བདག་ཅག་སངས་རྒྱས་བལྟར་འགྲོའོ་ཞེས་གསོལ་པ་དང་། བུའི
236a6 མས་ཀྱང་གནང་ནས་བུ་རྣམས་ཅིག་ཅར་མཉན་ཡོད་དུ་དོང་ངོ་། ། དེར་ཕྱིན་པ་དང་མེས་པོ་མགོན་མེད་ཟས་སྦྱིན་གྱིས་མཐོང་ནས་རབ་ཏུ་དགའ་མགུ་རངས་ཏེ། ཚ་བོ་རྣམས་ཁྲིད་དེ་རྒྱལ་བུ་རྒྱལ་བྱེད་ཀྱི
236a7 ཚལ་དུ་དེ་བཞིན་གཤེགས་པ་བལྟར་དོང་ངོ་། ། བུས་པ་དེ་དག་གིས་སངས་རྒྱས་ཀྱི་མཚན་སྔོན་ཐོས་པ་བས་སྟོང་གྱུར་གྱིས་ལྷག་པར་བཟང་བ་མཐོང་ནས་ཤིན་ཏུ་དགའ་བར་གྱུར་ཏོ།། དེ་ནས་བཅོམ་ལྡན
iiif viewer powered by OpenSeadragon
