| e-texts navigator |
| Wylie |
235b1 ནས་ཆུང་མར་བྱས་སོ། ། དེ་ནས་ཆུང་མ་དེ་སེམས་ཅན་དང་ལྡན་པར་གྱུར་ཏེ། ཕྱིས་ཟླ་བ་ཚང་ནས་སྒོ་ང་བཅུ་ཞིག་བཙས་སོ།། སྒོ་ང་བཅག་པ་དང་། སྒོ་ང་རེ་རེ་ནས་བུ་ཁྱེའུ་བལྟ་ན་སྡུག་པ་མཛེས
235b2 ཤིང་བཟང་བ་གཞན་ལས་འཕགས་པ་རེ་རེ་བྱུང་ངོ་། ། བུ་དེ་དག་ཆེར་སྐྱེས་ནས་དཔའ་ཞིང་རྩལ་ཆེ་བས། རི་དགས་གསོད་པ་ལ་དགའ་བར་གྱུར་པ་དང་། ཁྱེའུའི་མས་འདི་ལྟར་རི་དགས་གསོད་པར
235b3 མ་བྱེད་ཅིག་ཅེས་བསྒོ་ནས། བུ་རྣམས་ཀྱིས་མ་ལ་འདི་སྐད་ཅེས་སྨྲས་སོ།། རི་དགས་གཤོར་བ་ལས་དགའ་བ་མེད་དེ། ད་བདག་ཅག་གི་མས་གསོད་དུ་མི་གནང་བ་ལས་ན། བདག་ཅག་ལ
235b4 སྡང་བ་ལྟ། མས་སྨྲས་པ། ཁོ་མོ་ནི་ཁྱེད་ལ་སྡང་བ་མ་ཡིན་གྱི། ཁྱེད་ལ་བྱམས་པའི་ཕྱིར་རི་དགས་གསོད་དུ་མ་བཅུག་པ་ཡིན་ནོ།། འདི་ལྟ་སྟེ། སྲོག་གཅོད་པའི་སྡིག་གིས་སེམས་ཅན
235b5 དམྱལ་བར་ལོ་བརྒྱ་སྟོང་དུ་མའི་བར་དུ་སྡུག་བསྔལ་མྱོང་སྟེ། རྟག་ཏུ་ཤ་བའི་མགོ་ཅན་དང་། ལུག་གི་མགོ་ཅན་དང་། རི་བོང་གི་མགོ་ཅན་ལ་སོགས་ཏེ། རི་དགས་སྣ་ཚོགས་ཀྱི་མགོ་ཅན་དུ་གྱུར
235b6 ནས་དམྱལ་བའི་སྲུངས་མས་ལོ་གྲངས་མེད་པའི་བར་དུ་གསོད་པར་འགྱུར་རོ། ། ཀལ་ཏེ་དེ་ལས་ཐར་པར་འདོད་ན་ཡང་། སྡིག་པའི་ལས་དེ་ལས་མི་ཐར་རོ།། བུ་རྣམས་ཀྱིས་སྨྲས་པ།
235b7 ཇི་ལྟར་ཁྱོད་ཀྱིས་བསྒོ་བ་བཞིན་དུ་བྱ་ན། འདི་སྐད་དུ་བསྒོ་བ་འདི་གཞན་ལས་གསན་ནམ། ཁྱོད་ཉིད་ཀྱིས་བསམས་ཏེ་སྤྲས། ཚིག་འདི་ནི་ཁོ་མོས་སངས་རྒྱས་ལས་ཐོས་སོ་ཞེས་སྤྲས་པ་དང་། བུ་རྣམས
iiif viewer powered by OpenSeadragon
