| e-texts navigator |
| Wylie |
234a1 དེས་གླིང་བཞི་ལ་ལོ་སྟོང་ཕྲག་བཞི་བཅུའི་བར་དུ་དབང་བྱས་ཏེ། ཉིན་ཞག་བདུན་གྱི་བར་དུ་རིན་པོ་ཆེ་ཡང་ཆར་བཞིན་བབ། ལྷའི་རིས་གཉིས་སུ་ཕྱིན་ཀྱང་ཆོ་ག་མ་ཤེས་པས
234a2 ནམ་མཁའ་ལས་ལྷུང་སྟེ་ཚེ་འཕོས་སོ་ཞེས་བྱོས་ཤིག། དེ་བས་ན་དགེ་སློང་དག་རྙེད་པ་དང་གྲགས་པ་ནི་ཡང་དག་པར་ཉེས་པའི་སྐྱོན་ཆེན་པོ་སྟེ། ཅི་ནས་ཀྱང་རིང་དུ་སྤངས་པར་སོམས་ལ། ཡང་དག
234a3 པར་བྱང་ཆུབ་ལ་ནན་ཏན་གྱིས་ཤིག། དེ་ནས་ཀུན་དགའ་བོས། བཅོམ་ལྡན་འདས་ལ་འདི་སྐད་ཅེས་གསོལ་ཏོ།། རྒྱལ་པོ་སྤྱི་བོ་སྐྱེས་དེ་སྔོན་བསོད་ནམས་ཅི་ཞིག་བགྱིས་ན་འདི་ལྟ
234a4 བུའི་འབྲས་བུ་ཆེན་པོ་ཐོབ་པར་གྱུར། བཅོམ་ལྡན་འདས་ཀྱིས་བཀའ་སྩལ་པ། སྔོན་འདས་པའི་བསྐལ་པ་གྲངས་མེད་བསམ་གྱིས་མི་ཁྱབ་པ་འདས་པའི་ཕ་རོལ་ན། སངས་རྒྱས་པུར་ཤ་ཞེས་བྱ་བ
234a5 འཇིག་རྟེན་དུ་གཤེགས་ཏེ། འཁོར་དང་བཅས་སུ་འཇིག་རྟེན་གྱི་དོན་མཛད་དོ།། དེའི་ཚེ་བྲམ་ཟེའི་བུ་ཞིག་ཆུང་མ་ལེན་སྙམ་སྟེ། འཇིག་རྟེན་པའི་ཆོས་ཀྱིས་ཆུང་མ་ལེན་ན། སྲན་མ་སྤར་གང
234a6 བླངས་ཏེ་གཏོར་བའི་རིགས་སོ། ། ཁྱེའུ་དེ་ཡང་སྲན་མ་ཐོགས་ཏེ་འཐོར་དུ་སོང་སོང་བ་ལས། ལམ་དུ་བཅོམ་ལྡན་འདས་དང་ཕྲད་ནས་སེམས་ཡིད་དགའ་སྟེ། ལག་ན་སྲན་མ་ཐོགས་པ་དག་བཅོམ་ལྡན
234a7 འདས་ལ་གཏོར་བ་དང་། འབྲུམ་བུ་བཞི་ལྷུང་བཟེད་ཀྱི་ནང་དུ་སོང་ངོ་།། འབྲུམ་བུ་གཅིག་ནི་དབུའི་སྤྱི་བོར་ཆགས་སོ།། བསོད་ནམས་ཀྱི་རྒྱུ་དང་རྐྱེན་དེ་ཙམ་གྱིས་བསོད་ནམས་ཆེན་པོ་ཐོབ་སྟེ། སྲན
iiif viewer powered by OpenSeadragon
