| e-texts navigator |
| Wylie |
233b1 ལྷའི་ཕོ་བྲང་དུ་ཁྲིད་ནས་བརྒྱ་བྱིན་གྱི་སྟན་ཕྱེད་ལ་འདུག་ཏུ་བཅུག་གོ།། ལྷའི་དབང་པོ་དང་། མིའི་དབང་པོ་གཉིས་བྱད་གཟུགས་འདྲ་སྟེ། དང་པོ་མཐོང་བ་དག་གིས་བྱེ་བྲག་མི་ཕྱེད་ན། ལྟ་བའི་མགྱོགས
233b2 བུལ་གྱིས་རྟོགས་སོ། ། རྒྱལ་པོས་ལྷའི་ཕོ་བྲང་དུ་འདོད་པ་ལྔའི་དམ་པ་ལས། ལྷའི་དབང་པོ་བརྒྱ་སུམ་ཅུ་རྩ་དྲུག་བ་རྗེས་ཀྱི་བར་དུ་ལོངས་སྤྱོད་དོ།། ལྷའི་དབང་པོ་ནང་གི་ཐ་མ་དེ་བྱང་ཆུབ་སེམས་དཔའ་འོད
233b3 སྲུངས་ཞེས་བྱ་བ་སྟེ། དེའི་ཚེ་ལྷ་མ་ཡིན་གྱི་རྒྱལ་པོས་ལྷ་རྣམས་ལ་དམག་དྲངས་ནས་བརྒྱ་བྱིན་དང་འཐབ་པ་ལས། བརྒྱ་བྱིན་གྱིས་མ་ཐུབ་ནས་དཔུང་གི་ཚོགས་དང་ཕྱིར་གནས་སུ་བྲོས་སོ།། དེ་ནས་སྤྱི
233b4 བོ་སྐྱེས་ཕྱིར་བྱུང་སྟེ་དུང་བུས་གཞུ་རྒྱུད་སྦྲེངས་པས། ལྷ་མ་ཡིན་གྱི་དམག་རྣམས་དེ་མ་ཐག་ཏུ་བྱེར་རོ།། དེའི་ཚེ་སྤྱི་བོ་སྐྱེས་ཀྱིས་འདི་སྙམ་དུ་བསམས་སོ།། བདག་གི་མཐུ་སྟོབས་ནི་གང་དང་ཡང་མི
233b5 མཉམ་ན། དེ་བརྒྱ་བྱིན་དང་ཐུན་མོང་དུ་འདུག་པ་ཙ་རུང་། ཉིས་ན་བསད་ལ་ང་འབའ་ཞིག་གིས་བྱས་ན་ལེགས་སོ་སྙམ། སྡིག་པའི་སེམས་བསྐྱེད་མ་ཐག་ཏུ་ནམ་མཁའ་ལས་ལྷུང་ནས། སྔོན་གྱི
233b6 ཕོ་བྲང་རྙིང་གི་དྲུང་དུ་ལྷུང་སྟེ་སྲོག་དང་བྲལ་ལ་ཁང་པ་ཙམ་དུ་ཉམ་ཐག་པར་གྱུར་ཏོ། ། དེ་ནས་མི་དག་ལྷགས་ཏེ་འདི་སྐད་ཅེས་དྲིས་སོ།། གལ་ཏེ་འཇིག་རྟེན་གྱི་ཁྱིམ་པ་དག་རྒྱལ་པོ་སྤྱི་བོ་སྐྱེས་ཇི་ལྟར་ཚེའི་དུས
233b7 བྱས་ཞེས་འདྲིན། ། བདེག་ཅག་གིས་དེ་ལ་ཇི་སྐད་ཅེས་བྱ། སྤྲས་པ། གལ་ཏེ་དེ་སྐད་ཅེས་འདྲི་བ་ཡོད་ན། དེ་ལ་འདི་སྐད་ཅེས་གྱིས་ཤིག། རྒྱལ་པོ་སྤྱི་བོ་སྐྱེས་ནི་འདོད་པའི་དབང་གིས་ཚེ་འཕོས་སོ།།
iiif viewer powered by OpenSeadragon
