| e-texts navigator |
| Wylie |
232b1 སྤྱོད་དོ། ། དེ་ནས་ཡང་གནོད་སྦྱིན་གྱིས་འདི་སྐད་ཅེས་སྨྲས་སོ།། བྱང་ཕྱོགས་ན་བྱང་གི་སྒྲ་མི་སྙན་ཞེས་བྱ་བ་ཡོད་དེ། དེ་ན་གནས་པའི་མི་དག་འབྱོར་པ་ལོ་ལེགས་པ་ལོངས་སྤྱོད་དང་ལྡན་གྱིས།
232b2 རྒྱལ་པོ་ཡུལ་དེར་གཤེགས་པའི་རིགས་སོ་ཞེས་སྨྲས་པ་དང་། རྒྱལ་པོ་འགྲོ་བར་དགའ་ནས། བྱང་གི་སྒྲ་མི་སྙན་དུ་འདོད་པ་ལྔའི་དམ་པ་ལ་ལོ་སྟོང་ཕྲག་བཅོ་བརྒྱད་ཀྱི་བར་དུ་ལོངས་སྤྱོད་པར་གྱུར་ཏོ།།
232b3 དེ་ནས་དུས་ཕྱི་ཞིག་ན་གནོད་སྦྱིན་གྱིས་འདི་སྐད་ཅེས་སྨྲས་སོ།། རྒྱལ་ཆེན་བཞིའི་རིགས་ཀྱི་རྒྱལ་པོའི་གནས་ཀྱང་རབ་ཏུ་བདེ་བ་ནི་ཚད་བྱ་བར་ཡང་དཀའ་འོ།། རྒྱལ་པོ་དར་ཡང་གཤེགས་པའི
232b4 རིགས་སོ་ཞེས་སྨྲས་པ་དང་། རྒྱལ་པོ་དང་། བློན་པོ་དང་། དཔུང་གི་ཚོགས་རྣམ་བཞི་དང་བཅས་ཏེ་ནམ་མཁའ་ལ་འཕགས་ཏེ་དོང་ངོ་།། རྒྱལ་ཆེན་བཞིའི་རིགས་ཀྱི་རྒྱལ་པོས་རྒྱང་མ་ནས
232b5 མཐོང་བ་དང་། འཇིགས་སྐྲག་ནས་དཔུང་གི་ཚོགས་བཤམས་ཏེ་ཕྱི་རོལ་ཏུ་བྱུང་བ་དང་། ཅི་བྱར་ཡང་མེད་ནས་ཕྱིར་གནས་སུ་དོང་ངོ་།། སྤྱི་བོ་སྐྱེས་དེར་ཡང་ལོ་སྟོང་ཕྲག་བཅུའི་བར་དུ་འདོད་པ་ལ
232b6 ལོངས་སྤྱད་ནས། ཡང་འདི་སྙམ་དུ་སུམ་ཅུ་རྩ་གསུམ་གྱི་ལྷའི་རིགས་སུ་འགྲོ་བར་བསམས་ནས། འཁོར་དང་བཅས་སུ་སྟེང་གི་ནམ་མཁའ་ལ་འཕགས་ཏེ་སུམ་ཅུ་རྩ་གསུམ་གྱི་ལྷའི་རིགས
232b7 སུ་སོང་ངོ་། ། དེའི་ཚེ་དྲང་སྲོང་ལྔ་བརྒྱ་ཙམ་ཞིག་རི་རབ་ལྷུན་པོའི་སུལ་ན་གནས་པ་ལས། རྒྱལ་པོའི་གླང་པོ་ཆེ་དང་རྟའི་གཅིན་རྟུག་ལྷུང་བས་དྲང་སྲོང་དེ་དག་གི་ལུས་ལ་རེག་པར་གྱུར་ནས། དེ་དག
iiif viewer powered by OpenSeadragon
