| e-texts navigator |
| Wylie |
232a1 གལ་ཏེ་ང་ལ་བའ་ཞིག་གི་དབང་ཐང་ཡིན་ན་ནི། ཕོ་བྲང་གི་ནང་འབའ་ཞིག་ཏུ་བོབས་ཤིག་ཅེས་སྨྲས་པ་དང་། གཞན་ཀུན་ན་བབ་པ་ནི་ཆད་ཀྱི། ཕོ་བྲང་གི་ནང་འབའ
232a2 ཞིག་ན་ཉིན་ཞག་བདུན་གྱི་བར་དུ་བབ་བོ། ། རྒྱལ་པོ་སྤྱི་བོ་སྐྱེས་ཀྱིས་འཛམ་བུའི་གླིང་དུ་ལོ་བརྒྱད་ཁྲི་བཞི་སྟོང་གི་བར་དུ་འདོད་པ་ལྔ་ལ་སྤྱོད་པ་ལས། དུས་གཞན་ཞིག་ན་ཕོ་བྲང་གི་སྒོར་གནོད་སྦྱིན
232a3 གཅིག་བྱུང་སྟེ་སྐད་ཆེན་པོར་འདི་སྐད་ཅེས་སྨྲས་སོ། ། ཤར་ཕྱོགས་ན་ཤར་གྱི་ལུས་འཕགས་གླིང་ཞེས་བྱ་བ་ཡོད་དེ། དེ་ན་ཡང་བདེ་སྐྱིད་ལ་དཔེ་མེད་པར་བཟང་གིས། རྒྱལ་པོ་ཆེན་པོ་དེར་ཡང
232a4 རོལ་ཅིང་གཤེགས་པའི་རིགས་སོ་ཞེས་སྨྲས་པ་དང་། རྒྱལ་པོ་ཡང་དེར་འགྲོ་བར་དགའ་ནས། གསེར་གྱི་འཁོར་ལོ་ནམ་མཁའ་ལ་འཕགས་པ་དང་། བློན་པོ་དང་རིན་པོ་ཆེ་སྣ་བདུན་ལ
232a5 སོགས་པ་ཡང་རྗེས་སུ་འཕགས་ཏེ། ཤར་ཕྱོགས་ཀྱི་ལུས་འཕགས་གླིང་དུ་ཕྱིན་ཏོ།། རྒྱལ་ཕྲན་ཕྱག་མི་འཚལ་བ་རྣམས་ཀྱང་ཐམས་ཅད་ཕྱག་འཚལ་ནས། ལུས་འཕགས་གླིང་དུ
232a6 འདོད་པ་ལྔ་ལ་ལོ་སྟོང་ཕྲག་བརྒྱད་ཅུའི་བར་དུ་ལོངས་སྤྱོད་དོ། ། དེ་ནས་གནོད་སྦྱིན་གྱིས་ཡང་འདི་སྐད་ཅེས་སྨྲས་སོ།། ནུབ་ཕྱོགས་ན་ནུབ་ཀྱི་བ་གླང་སྤྱོད་ཅེས་བྱ་བ་ཡོད་དེ། དེ་ན་ཡང་རབ་ཏུ་བདེ
232a7 སྒྱིད་ཀྱིས། རྒྱལ་པོ་ཆེན་པོ་ཡང་དེར་གཤེགས་པའི་རིགས་སོ་ཞེས་སྨྲས་སོ།། རྒྱལ་པོ་དེ་ཡང་དེར་འགྲོ་བར་དགའ་ནས། ནུབ་ཀྱི་བ་གླང་སྤྱོད་དུ་ལོ་སྟོང་ཕྲག་བཅུ་བཞིའི་བར་དུ་བདེ་བ་ལ་ལོངས
iiif viewer powered by OpenSeadragon
