| e-texts navigator |
| Wylie |
231a1 ཐམས་ཅད་དེར་བྱུང་བར་གྱུར་ནས། གསེར་གྱི་འཁོར་ལོ་དང་། གླང་པོ་རིན་པོ་ཆེ་དང་། རྟ་རིན་པོ་ཆེ་དང་། བུད་མེད་རིན་པོ་ཆེ་དང་། བློན་པོ་རིན་པོ་ཆེ་དང
231a2 ཁྱིམ་བདག་རིན་པོ་ཆེ་ལ་སོགས་པ་ཐམས་ཅད་འདུས་ནས་གླིང་བཞི་ལ་དབང་བྱེད་པའི་འཁོར་ལོས་སྒྱུར་བའི་རྒྱལ་པོར་གྱུར་ཏེ་ཆོས་བཞིན་དུ་སྲིད་འཚེའོ། ། དེ་ནས་མི་མང་པོ་དག་ས་རྐོ་ཞིང་ཞིང་རྨོད་པ་མཐོང
231a3 ནས་བློན་པོ་རྣམས་ལ་འདི་དག་ཅི་བྱེད་ཅེས་བཀའ་སྩལ་པ་དང་། སྨྲས་པ། ཇི་ཙམ་དུ་སྲོག་དང་བཅས་པ་ཐམས་ཅད་ཟས་ཀྱིས་འཚོ་བས། འདི་དག་ནི་ཞིང་རྨོས་ནས་འཚོ་བར་བྱེད་དོ།། དེ་ནས་རྒྱལ
231a4 བོས་འདི་སྐད་ཅེས་སྨྲས་སོ། ། གལ་ཏེ་ང་ལ་རྒྱལ་པོར་འགྱུར་བའི་བསོད་ནམས་ཀྱི་དབང་ཐང་ཞིག་ཡོད་ན། ལས་བྱ་མི་དགོས་པར་རོ་བརྒྱ་དང་ལྡན་པའི་ཟས་རང་ཡོད་པར་གྱུར་ཏེ། ཐམས་ཅད་ཆོག་ཅིང
231a5 འགྲངས་ནས་བཀྲེས་པ་དང་། སྐོམ་པ་མེད་པར་གྱུར་ཅིག་ཅེས་སྨྲས་སོ།། དེ་སྐད་ཅེས་སྨྲས་མ་ཐག་ཏུ་བཟའ་བ་དང་བཏུང་བ་ཡོད་པར་གྱུར་ཏོ།། དེ་ནས་ཡང་འཆག་ཏུ་སོང་སོང་བ་ལས། ཐ་ག
231a6 མ་དག་ཅིག་འཁལ་བ་དང་འཐག་པ་དག་མཐོང་ནས། འདི་དག་ཅི་བྱེད་ཅེས་དྲིས་པ་དང་། སྨྲས་པ། ཁ་ཟས་ནི་རང་ཡོད་པར་གྱུར་ན། ལུས་རྒྱན་པའི་གོས་མེད་དེ། འདི་དག་ནི་བགོ་བའི
231a7 གོས་བྱེད་དོ། ། དེ་ནས་རྒྱལ་པོས་ཡང་འདི་སྐད་ཅེས་སྨྲས་སོ།། གལ་ཏེ་བདག་ལ་རྒྱལ་པོར་འགྱུར་བའི་དབང་ཐང་ཞིག་ཡོད་ན། བགོ་བའི་གོས་རང་ཡོད་པར་གྱུར་ཏེ། དབུལ་འཕོངས་པ
iiif viewer powered by OpenSeadragon
