| e-texts navigator |
| Wylie |
230b1 ཆེར་སྐྱེས་ནས་ཡོན་ཏན་དང་ལྡན་པས་རྒྱལ་པོས་ཀྱང་ཡུལ་གཅིག་གི་རྒྱལ་ཕྲན་དུ་བཅུག་གོ། དུས་གཞན་ཞིག་ན་རྒྱལ་པོ་ཆེན་པོ་ནད་ཀྱིས་བཏབ་པ་དང་། རྒྱལ་ཕྲན་ཀུན་འདུས་ནས་ནད་གཡོག་དང
230b2 དཔྱད་བྱས་ཀྱང་མ་ཕན་ཏེ་ཚེའི་དུས་བྱས་སོ། ། དེ་ནས་རྒྱལ་ཕྲན་རྣམས་འདུས་ཏེ་སྤྱི་བོ་སྐྱེས་དེ་གང་ན་འདུག་པར་སོང་ནས་ཕྱིན་པ་དང་། འདི་སྐད་ཅེས་སྨྲས་སོ།། རྒྱལ་པོ་ཆེན་པོ་ནི་སྐུ་ཚེའི་དུས
230b3 བྱས་ཀྱིས། ཁྱོད་རྒྱལ་པོ་ཆེན་པོར་གཤེགས་སུ་གསོལ་ཞེས་སྨྲས་པ་དང་། སྤྱི་བོ་སྐྱེས་ཀྱིས་འདི་སྐད་ཅེས་སྨྲས་སོ།། གལ་ཏེ་ང་རྒྱལ་པོར་འགྱུར་བའི་བསོད་ནམས་དང་དབང་ཐང་ཞིག་ཡོད་ན།།
230b4 རྒྱལ་ཆེན་བཞི་དང་བརྒྱ་བྱིན་ལ་སོགས་པས་ང་ལ་གསོལ་བ་བཏབ་སྟེ་དབང་བསྐུར་བར་ཤོག་ཅིག་ཅེས་སྤྲས་མ་ཐག་ཏུ། རྒྱལ་ཆེན་བཞིའི་རྒྱལ་པོ་ཡང་བབས་ནས། རིན་པོ་ཆེའི་བུམ་པ་སྤོས་ཆུས
230b5 བཀང་བ་ཐོགས་ཏེ་སྤྱི་བོར་བླུགས་ནས་དབང་བསྐུར་རོ། ། བརྒྱ་བྱིན་ལྷའི་དབང་པོ་ཡང་བབས་ནས། རིན་པོ་ཆེའི་ཅོད་པན་ཕུལ་ཏེ་མགོ་ལ་བཞག་ནས་ཡོན་ཏན་བསྔགས་སོ།། དེ་ནས་རྒྱལ་ཕྲན
230b6 རྣམས་ཀྱིས་དབུས་ཀྱི་ཡུལ་ཆེན་པོར་གཤེགས་པར་གསོལ་པ་དང་། སྤྱི་བོ་སྐྱེས་ཀྱིས་ཡང་འདི་སྐད་ཅེས་སྨྲས་སོ།། བདག་ལ་རྒྱལ་པོར་འགྱུར་བའི་དབང་ཐང་ཞིག་ཡོད་ན། ཡུལ་ས་ངའི་དྲུང་དུ
230b7 འོང་བའི་རིགས་ཀྱིས། ང་ཡུལ་ས་བསྙེགས་སུ་མི་འགྲོའོ་ཞེས་སྨྲས་པ་དང་། དེ་མ་ཐག་ཏུ་ཡུལ་ཆེན་པོའི་རྒྱལ་པོའི་ཕོ་བྲང་དང་། སྐྱེད་མོས་ཚལ་དང་། ཁྲུས་ཀྱི་རྫིང་བུ་ལ་སོགས་ཏེ་དགོས་པ
iiif viewer powered by OpenSeadragon
