| e-texts navigator |
| Wylie |
230a1 འགྱུར་རོ། ། དེ་བས་ན་ངས་མངོན་དུ་དྲན་པ་སྔོན་འདས་པའི་དུས་ན་འདོད་པའི་དབང་གིས་ལྟུང་བར་གྱུར་ཏེ་སྡུག་བསྔལ་མང་པོ་མྱོང་ངོ་།། དེ་ནས་ཀུན་དགའ
230a2 བོས་པུས་མོ་ས་ལ་བཙུགས་ཏེ་ཐལ་མོ་སྦྱར་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ།། སྔོན་བཅོམ་ལྡན་འདས་འདོད་པ་ལ་ཆགས་པའི་དབང་གིས་ལྷུང་བར་གྱུར་པ་ཇི་ལྟ་བུ་ལགས
230a3 བཅོམ་ལྡན་འདས་ཀྱིས་བཀའ་སྩལ་པ། སྔོན་འདས་པའི་བསྐལ་པ་ཚད་མེད་མཐའ་ཡས་བསམ་གྱིས་མི་ཁྱབ་དཔག་ཏུ་མེད་པ་གྲངས་མེད་པའི་ཕ་རོལ་ན། འཛམ་བུའི་གླིང་འདིར་རྒྱལ་པོ་ཆེན་པོ་གུ
230a4 ས་ལི་ཞེས་བྱ་བ། འཛམ་བུའི་གླིང་གི་རྒྱལ་ཕྲན་བརྒྱད་ཁྲི་བཞི་སྟོང་ལ་དབང་བྱེད་དེ། བཙུན་མོ་དང་ཕོ་བྲང་སླས་ནི་སྟོང་ཕྲག་ཉི་ཤུ་ཡོད་དོ།། བློན་པོ་ཆེན་པོ་ནི་སྟོང་ཕྲག་བཅུ་ཡོད་དོ།། དུས་གཞན
230a5 ཞིག་ན་རྒྱལ་པོའི་སྤྱི་བོ་ལ་སྒོ་ང་འདྲ་བའི་ཆུ་བུར་གཅིག་བྱུང་སྟེ། གསལ་བ་ཡོངས་སུ་དག་པ་ན་ཚ་མེད་པའོ།། བགས་ཀྱིས་ཇེ་ཚེ་ཇེ་ཆེར་སྐྱེས་ཏེ་ཀུ་བ་ཙམ་དུ་གྱུར་པ་དང་། བཀས་ན་ནང་ནས་ཁྱེའུ
230a6 བལྟ་ན་སྡུག་པ། མཚན་དང་ལྡན་པ། སྒྲ་མཐོན་མཐིང་དུ་འདུག་པ། ལུས་ཀྱི་མདོག་གསེར་ལྟ་བུར་སྣང་བ་གཅིག་བྱུང་བར་གྱུར་ཏེ། མཚན་མཁན་གྱིས་བལྟས་ནས། བུ་འདི་ནི་ངོ་མཚར
230a7 ཆེ་བའི་ཡོན་ཏན་གྱི་མཚན་དང་ལྡན་ཏེ། གདོན་མི་ཟ་བར་འཁོར་ལོས་སྒྱུར་བའི་རྒྱལ་པོར་འགྱུར་ཞིང་གླིང་བཞི་ལ་དབང་བར་འོང་ངོ་ཞེས་སྨྲས་ནས། ཁྱེའུའི་མིང་ཡང་སྤྱི་བོ་སྐྱེས་ཞེས་བཏགས་སོ།།
iiif viewer powered by OpenSeadragon
