| e-texts navigator |
| Wylie |
22a1 ཀྱི་དཔེ་ཞིག་སློང་གིས་མི་རྙེད་དུ་མི་གནང་ངོ་ཞེས་བཀའ་སྩལ་ན། བློན་པོས་གསོལ་པ། འཇིག་རྟེན་ན་ཆོས་མ་མཆིས་པར་བདག་གིས་ག་ལས་རྙེད་ཅེས་གསོལ།
22a2 པ་དང་རྒྱལ་པོས་བློན་པོ་དེ་ལ་ཁྱོད་ཀྱིས་མ་རྙེད་ན་གསད་དོ་ཞེས་བཀའ་སྩལ་ཏོ།། བློན་པོ་ཆེན་པོ་ཤིན་ཏུ་མི་དགའ་བཞིན་དུ་ཁྱིམ་དུ་སོང་ནས་བློན་པོ་དེ་ལ་བ་རྒན་པོ་རྒས་པ་འཁོགས་པ་ཞིག་ཡོད
22a3 དེ་ཕས་བལྟས་ན་བདག་གི་བུ་འདི་སྔོན་ཆད་ནི་འཛུམ་དམུལ་ཏེ་མདངས་དང་བཅས་པས་གཏམ་ཟེར་ན། དེང་ཅིའི་ཕྱིར་བདག་གི་བུ་འདི་སྔོན་ཆད་དང་མི་འདྲ་བར་ངོ་འཛུམ་གནག་སྙམ་གཏམ་བྱས
22a4 པ་དང་དེས་ཇི་ལྟར་གྱུར་པ་ཕ་ལ་ཞིབ་ཏུ་གཏམ་བྱས་སོ། ། དེའི་ཕས་སྨྲས་པ། བདག་ཅག་གི་ཁྱིམ་ན་ཀ་བ་ཞིག་ལ་རྟག་ཏུ་འོད་འབྱུང་སྟེ། དེའི་ནང་ན་ཅི་ཡོད་ལྟོས་ཤིག་ཅེས་བསྒོ་བ་དང་།
22a5 ཀ་བ་ཕྱུང་སྟེ་གཤགས་ན། དེའི་ནང་ནས་རྟེན་ཅིང་འབྲེལ་པར་འབྱུང་བ་བཅུ་གཉིས་ཀྱི་མདོ་དང་། ཉིན་ཞག་གཅིག་པའི་ཁྲིམས་བརྒྱད་ཀྱི་དཔེ་བྱུང་ནས། བློན་པོ་དེས་རྒྱལ་པོ་ལ་ཕུལ་ལོ།།
22a6 རྒྱལ་པོས་ཐོབ་ནས་རབ་ཏུ་དགའ་མགུ་རངས་ཏེ། ཁྲིམས་བརྒྱད་ཀྱི་དཔེ་གསེར་གྱི་སྒྲོམ་བུར་བཅུག་སྟེ་ཀླུ་ལ་བསྐུར་རོ།། ཀླུ་དེས་ཐོས་ནས་ཤིན་ཏུ་དགའ་བས་རྒྱལ་པོ་ཆེན་པོ་དེ་ལ་རིན་པོ་ཆེ་ཡང
22a7 བང་དུ་ཕུལ་ལོ། ། ཉིན་ཞག་གཅིག་པའི་ཁྲིམས་བརྒྱད་བསྲུངས་ནས། གཞན་དག་ཀྱང་བསྲུང་བར་བསྐུལ་ཏེ། དེ་ནས་ཚེ་འཕོས་ནས་ལྷར་སྐྱེས་སོ།། རྒྱལ་པོ་དེ་ཡང་ཆོས་བཞིན་དུ་ཚུལ
iiif viewer powered by OpenSeadragon
