| e-texts navigator |
| Wylie |
229b1 བརྡེགས་ཏེ། དེར་ཚེ་བརྗེས་པ་དང་སུམ་ཅུ་རྩ་གསུམ་གྱི་ལྷར་སྐྱེས་སོ།། ཀུན་དགའ་བོ་དེའི་ཚེ་དེའི་དུས་ན་སེམས་ཅན་དམྱལ་བ་ན་འདུག་པ་ལས། བྱམས་ཤིང་སྙིང་བརྩེ་བའི་སེམས
229b2 བསྐྱེད་པ་དེ་ནི་ད་ལྟར་ང་ཡིན་ནོ། ། ངས་དེའི་ཚེ་སེམས་ཅན་དམྱལ་བ་ན་དེ་ལ་ཐོག་མར་སྙིང་རྗེ་བའི་སེམས་བསྐྱེད་དེ། སེམས་ཅན་ཐམས་ཅད་ལ་ཡང་དེ་ཙམ་གྱི་བར་དུ་ཐུགས་བརྩེ་ཞིང་བྱམས
229b3 པོའི་སེམས་བསྐྱེད་དོ། ། ཀུན་དགའ་བོ་དང་འཁོར་མང་པོའི་རྣམས་བཅོམ་ལྡན་འདས་ཀྱིས་གསུངས་པ་ལ་རྗེས་སུ་ཡི་རང་ནས་མངོན་པར་དགའ་འོ།། སངས་རྒྱས་ཐོག་མ་བྱམས་པའི་སེམས
229b4 བསྐྱེད་པའི་ལེའུ་སྟེ་བཞི་བཅུ་རྩ་བཞི་པའོ། ། །། རྒྱལ་པོ་སྤྱི་བོ་སྐྱེས་ཀྱི་ལེའུའོ།། འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་མཉན
229b5 ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན། དགེ་སློང་ཆེན་པོའི་དགེ་འདུན་བརྒྱ་ཕྲག་ཕྱེད་དང་བཅུ་གསུམ་དང་ཐབས་ཅིག་ཏུ་བཞུགས་སོ།། དེའི་ཚེ་བཅོམ་ལྡན
229b6 འདས་ཀྱིས་དགེ་སློང་དག་འཇོ་སྒེག་ཅིང་རྙེད་པ་དང་གྲགས་པ་ལ་ཆགས་ནས། ལྷག་པར་བྱས་པ་མང་དུ་འཆང་ཞིང་ཆོག་མི་ཤེས་པར་སོགས་པར་གྱུར་པ། བཅོམ་ལྡན་འདས་ཀྱིས་གཟིགས་ནས།
229b7 དགེ་སློང་རྣམས་ལ་རྙེད་པ་ལ་ཆགས་པའི་སྐྱོན་འདི་དག་གསུངས་སོ།། གང་རྙེད་པ་ལ་ཆགས་པ་ནི་ལུས་ཞིག་ནས་ཚེ་འཕོས་མ་ཐག་ཏུ་ངན་སོང་གསུམ་དུ་ལྷུང་སྟེ། སྡུག་བསྔལ་ཚད་མེད་པ་མྱོང་བར
iiif viewer powered by OpenSeadragon
