| e-texts navigator |
| Wylie |
229a1 བཅོམ་ལྡན་འདས་ལ་ཕྱག་འཚལ་ནས། བསྲུང་བ་མི་མངའ་འམ་ཞེས་སྤུན་གསོལ་ཏོ།། བཅོམ་ལྡན་འདས་ཀྱིས་ཀྱང་བྱམས་པའི་ཐུགས་ཀྱིས་སྤོ་བ་བསྐྱེད་དེ། དགེ
229a2 སློང་ཁྱེད་སྡུག་བསྔལ་བར་མ་གྱུར་ཏམ་ཞེས་ཤིན་ཏུ་ཐུགས་བརྩེ་ཞིང་བྱམས་པའི་ཐུགས་ཀྱིས་བཀའ་སྩལ་པ་དང་། ཀུན་དགའ་བོས། བཅོམ་ལྡན་འདས་ལ་འདི་སྐད་ཅེས་གསོལ་ཏོ།།
229a3 འདི་ལྟར་བཅོམ་ལྡན་འདས་ཀྱིས་དགེ་སློང་དག་ལ་ཐུགས་རྩེ་ཞིང་བྱམས་པའི་ཐུགས་བསྐྱེད་ནས་ཡུན་ཇི་སྲིད་ཅིག་ལགས། བཅོམ་ལྡན་འདས་ཀྱིས། ཀུན་དགའ་བོ་ལ་བཀའ་སྩལ་པ
229a4 ཁྱོད་ཤེས་པར་འདོད་ན་ཁྱོད་ལ་བསྟན་པར་བྱའོ། ། སྔོན་འདས་པའི་དུས་བསྐལ་པ་གྲངས་མེད་པ་བརྗོད་དུ་མེད་པའི་ཕ་རོལ་ན། སྡིག་པ་བྱས་པའི་མི་གཉིས་ཤིག་སེམས་ཅན
229a5 དམྱལ་བར་ལྷུང་སྟེ། དམྱལ་བའི་སྲུངས་མ་བས་ལྕགས་ཀྱི་ཤིང་རྟ་འདྲེན་དུ་བཅུག་ནས། ལྕགས་ཐོས་བརྡེགས་ཏེ་ཕན་ཚུན་མིང་ལ་བར་རྒྱུག་ཏུ་བཅུག་གོ། དེ་ལ་མི་གཅིག་སྟོབས་ཆུང་སྟེ
229a6 འདྲེན་མ་ནུས་ནས་བུབ་པ་དང་། ལྕགས་ཀྱི་ཐོ་བས་བརྡེགས་ཏེ་ཚེ་བརྗེས་ནས་ཕྱིར་སོས་སོ།། གྲོགས་པོ་ཟླ་གཅིག་གིས་དེ་ལྟ་བུའི་སྡུག་བསྔལ་མཐོང་ནས་བྱམས་ཤིང་སྙིང་རྗེ་བའི་སེམས
229a7 སྐྱེས་ཏེ། དམྱལ་བའི་སྲུངས་མ་བ་ལ་འདི་སྐད་ཅེས་སྨྲས་སོ།། བདག་འབའ་ཞིག་གིས་ཤིང་རྟ་འདི་དྲང་གིས། མི་འདི་ཐོང་ཞིག་ཅེས་སྨྲས་པ་དང་། སྲུངས་མ་ཁྲོས་ནས་ལྕགས་ཀྱི་ཐོ་བས
iiif viewer powered by OpenSeadragon
