| e-texts navigator |
| Wylie |
227a1 ས་ལ་གནས་སོ། ། བཅོམ་ལྡན་འདས་ཀྱིས་གསུངས་པ་ལ་འཁོར་མང་པོ་མངོན་པར་དགའ་ནས་རྗེས་སུ་ཡི་རང་ངོ་།། གླང་པོ་སྐྱོང་གི་ལེའུ་སྟེ་བཞི་བཅུ་རྩ་གཉིས
227a2 པའོ། ། དབམ་པོ་བཅུ་གཉིས་པ།། །། བྲམ་ཟེས་ལྷན་པ་ཕུལ་བའི་ལེའུའོ།། འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས
227a3 མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། ། དེའི་ཚེ་བཅོམ་ལྡན་འདས་ཀྱིས་ཀུན་དགའ་བོ་ཞབས་འབྲིང་དུ་ཁྲིད་དེ་བསོད་སྙོམས་ལ་གཤེགས
227a4 པ་ན་བཅོམ་ལྡན་འདས་གསོལ་བའི་ན་བཟའ་ལ་རྡོལ་བ་ཅུང་ཟད་ཅིག་ཡོད་དེ། དེ་ཡང་སེམས་ཅན་འདུལ་བའི་རིགས་པའི་དོན་དུ་དགོངས་སོ།། བསོད་སྙོམས་བསླངས་ནས་སླར་གཤེགས
227a5 པའི་ཚེ། བྲམ་ཟེ་གཅིག་ཅིག་འོངས་ནས་བཅོམ་ལྡན་འདས་ལ་སྤྱི་བོས་ཕྱག་འཚལ་ཏེ། བཅོམ་ལྡན་འདས་ཀྱི་མཚན་ལྷང་ངེ་ལྷན་ནེར་གསལ་བ་ལ་བརྟགས་ནས། བཅོམ་ལྡན་འདས་ཀྱི་ན་བཟའ
227a6 ཅུང་ཟད་ཅིག་རྡོལ་བ་དེ་མཐོང་བ་དང་། སྦྱིན་པ་བྱ་བར་བསམས་ཏེ། ཁྱིམ་ན་རས་དཀར་པོ་ཞིག་ཡོད་པ་ལས་དུམ་བུ་གཅིག་བཅད་ནས་བཅོམ་ལྡན་འདས་ལ་ཕུལ་ཏེ། རས་ཀྱི་དུམ་བུ་འདི་ན
227a7 བཟའི་ལྷན་པ་མཛོད་ཅེས་གསོལ་ཏོ། ། བཅོམ་ལྡན་འདས་ཀྱིས་ཀྱང་དེ་ལ་ཐུགས་བརྩེ་བའི་སླད་དུ་བཞེས་པ་དང་། བྲམ་ཟེ་རབ་ཏུ་དགའ་ནས་མགུ་རངས་པར་གྱུར་ཏོ།། བཅོམ་ལྡན་འདས་ཀྱིས
iiif viewer powered by OpenSeadragon
