| e-texts navigator |
| Wylie |
226b1 བདག་གིས་སླར་གསོའོ་སྙམ་བསམས་ནས་འཇི་བ་ཞིག་སྦྱར་ཏེ། བསྐུས་པའི་སྟེང་དུ་ལྡོང་རོས་ཀྱིས་བསྐུས་ནས་འདི་སྐད་ཅེས་སྨོན་ལམ་བཏབ་བོ།། བདག་མ་འོངས་པའི་དུས་སུ་རྟག་ཏུ་ཆོ
226b2 རིགས་བཙུན་ཞིང་ལོངས་སྤྱོད་ཟད་མི་ཤེས་པ་དང་ལྡན་པར་ཤོག་ཅིག་ཅེས་སྨོན་ལ་མ་བཏབ་བོ། ། མི་དེ་ཚེ་འཕོས་ནས་མཐོ་རིས་ཀྱི་ལྷར་སྐྱེས་ཏེ། ལྷ་ལས་ཚེའི་དུས་བྱས་ནས་མིའི་འཇིག་རྟེན
226b3 དུ་སྐྱེས་ཏེ། རྟག་ཏུ་ཚེ་རིགས་བཙུན་པ་དང་ལོངས་སྤྱོད་དང་ལྡན་ཞིང་བྱད་གཟུགས་འཕགས་པར་བཟང་སྟེ། གསེར་གྱི་གླང་པོ་ཆེས་རྟག་ཏུ་བསྲུངས་པར་གྱུར་ཏོ།། བཅོམ་ལྡན་འདས་ཀྱིས།།
226b4 ཀུན་དགའ་བོ་ལ་བཀའ་སྩལ་པ། དེའི་ཚེ་དེའི་དུས་ན་གླང་པོ་ཆེ་གསོས་པའི་མི་དེ་ནི་ད་ལྟར་དགེ་སློང་གླང་པོ་སྐྱོང་ཡིན་ཏེ། དེའི་ཚེ་ན་གླང་པོ་ཆེ་གསོས་པས་དེ་ཚུན་ཆད་ལྷ་དང་མིའི་ནང་ན་ལོངས
226b5 སྤྱོད་ཆེན་པོ་དང་ལྡན་པར་གྱུར་ཏོ། ། དཀོན་མཆོག་གསུམ་ལ་གུས་ཤིང་བསྟི་སྟང་བྱས་པས། ད་ལྟར་ང་དང་ཕྲད་དེ་བསྟན་པ་ལ་རབ་ཏུ་བྱུང་ནས་སེམས་ཀྱི་དྲི་མ་ཀུན་ཟད་དེ་དགྲ་བཅོམ་པར
226b6 གྱུར་ཏོ། ། ཚེ་དང་ལྡན་པ་ཀུན་དགའ་བོ་དང་འཁོར་མང་པོའི་རྣམས། བཅོམ་ལྡན་འདས་ཀྱིས་གསུངས་པ་འདི་ཐོས་ནས། ཐམས་ཅད་ཀྱིས་དོན་རྟོགས་ཤིང་ཁོང་དུ་ཆུད་དེ། ལ་ལས
226b7 ནི་རྒྱུན་དུ་ཞུགས་པ་དང་། ལན་ཅིག་ཕྱིར་ལྡོག་པ་དང་། ཕྱིར་མི་ལྡོག་པ་དང་། དགྲ་བཅོམ་པ་ཐོབ་པར་གྱུར་ཏོ།། ཁ་ཅིག་ནི་བླ་ན་མེད་པའི་བྱང་ཆུབ་ཏུ་སེམས་བསྐྱེད་དེ་ཕྱིར་མི་ལྡོག་པའི
iiif viewer powered by OpenSeadragon
