| e-texts navigator |
| Wylie |
225a1 ཏེ་ཕོ་བྲང་གི་ནང་དུ་འོངས་ནས་གདོད་བབས་སོ། ། དེ་ནས་རྒྱལ་པོ་ལ་ཕྱག་བྱས་ཏེ་བདེ་བར་གྱུར་ཅིག་ཅེས་སྨྲས་པ་དང་། རྒྱལ་པོ་རབ་ཏུ་དགའ་ནས་སྟན་བཏིང་བ་ལ
225a2 འདུག་ཏུ་བཅུག་སྟེ། བཟའ་བ་དང་བཏུང་བ་བྱིན་ནོ།། དེ་སྐད་ཅེས་སྨྲས་པའི་འོག་ཏུ་ཕྱིར་འགྲོ་ཞེས་བྱས་པ་དང་། གླང་པོ་སྐྱོང་ལ་གསེར་གྱི་གླང་པོ་ཞོག་ལ་བདག་ཅག་ཕྱིར་དེང་ཞིག་ཅེས་བསྒོའོ།།
225a3 དེ་ནས་གླང་པོ་སྐྱོང་ཡང་རྒྱལ་པོའི་བཀའ་བཞིན་དུ་གླང་པོ་ཆེ་ཕྱིར་བཞག་ནས། བ་སྤང་གཉིས་རྐང་པས་སོང་སྟེ་སྒོར་ཕྱིན་པ་ཙམ་ན། རིང་པོར་མ་ལོན་པར་གླང་པོ་ཆེ་དེ་ཡང་དེ་ཉིད་དུ་སའི་ནང་དུ་ནུབ
225a4 ནས་སྒོའི་ཕྱི་རོལ་དུ་གླང་པོ་སྐྱོང་གི་མདུན་དུ་བྱུང་ངོ་། ། གླང་པོ་སྐྱོང་སྤད་གཉིས་དེ་ལ་ཕྱིར་ཞོན་ཏེ་ཁྱིམ་དུ་སོང་ནས་དེ་འདི་སྙམ་དུ་བསམས་སོ།། རྒྱལ་པོ་ཡང་ཆོས་བཞིན་བྱེད་པ་མ་ཡིན་ཏེ། མ
225a5 ཉེས་པ་དག་ཀྱང་ཁྲིམས་དང་སྦྱོར་བས། བདག་ཀྱང་མ་སྟེས་ན་གླང་པོ་ཆེ་འདིའི་ཕྱིར་སྲོག་ལ་དམའ་བར་འོང་གིས། ད་ལྟར་བཅོམ་ལྡན་འདས་འཇིག་རྟེན་ན་འགྲོ་བ་མང་པོ་ལ་བདེ་བའི་དོན་མཛད
225a6 པ་དེའི་དྲུང་དུ་སོང་ལ། ཁྱིམ་ནས་བྱུང་ཞིང་ཚངས་པར་སྤྱོད་པ་ལ་དགའ་བར་བྱའོ་སྙམ་བསམས་ནས། ཕ་མ་ལ་རབ་ཏུ་འབྱུང་བར་གསོལ་པ་དང་། ཕ་མས་ཀྱང་རབ་ཏུ་འབྱུང་བར་གནང་ནས
225a7 མཆི་ཕྱག་འཚལ་ཏེ། གསེར་གྱི་གླང་པོ་ལ་ཞོན་ནས་རྒྱལ་བུ་རྒྱལ་བྱེད་ཀྱི་ཚལ་གང་ན་བར་སོང་ངོ་།། བཅོམ་ལྡན་འདས་ཀྱི་སྤྱན་སྔར་ཕྱིན་པ་དང་། ཞབས་ལ་མགོ་བོས་ཕྱག་འཚལ་ཏེ་ཇི
iiif viewer powered by OpenSeadragon
