| e-texts navigator |
| Wylie |
224a1 མཚན་དང་ལྡན་པ་ཞིག་གོ། ། ཁྱེའུ་དེ་ཐོག་མ་བཙས་པ་ན་བང་མཛོད་ཀྱི་ནང་ནས་གསེར་གྱི་གླང་པོའི་ཕྲུག་གུ་ཞིག་རང་བྱུང་ངོ་།། ཁྱེའུའི་ཕ་མ་དེས་དེ་ལྟ་བུ་བྱུང་བ་མཐོང
224a2 ནས་རབ་ཏུ་དགའ་སྟེ་མཚན་མཁན་ལ་བསྟན་ནས། མཚན་མཁན་གྱིས་ཀྱང་ཁྱེའུ་འདི་བསོད་ནམས་ཀྱི་མཚན་དང་ལྡན་པར་རྟོགས་ཏེ། ཁྱེའུ་འདི་ཐོག་མ་བཙས་པ་ན་ངོ་མཚར་ཆེ་བའི་ལྷས་ཅི
224a3 བྱུང་ཞེས་དྲིས་སོ། ། ཁྱེའུའི་ཕ་མས་སྨྲས་པ། ཁྱེའུ་འདི་བཙས་པ་ན་མཛོད་ཀྱི་ནང་ནས་གསེར་གྱི་གླང་པོ་ཆེའི་ཕྲུག་གུ་གཅིག་རང་བྱུང་ངོ་ཞེས་སྤྲས་པ་དང་། ཁྱེའུའི་མིང་ཡང་གླང་པོ་སྐྱོང
224a4 ཞེས་བཏགས་སོ། ། ཁྱེའུ་ཇི་ཙམ་དུ་ཆེར་སྐྱེས་པ་བཞིན། གསེར་གྱི་གླང་པོ་ཆེའི་ཕྲུག་གུ་ཡང་སྐྱེས་ཏེ། ཁྱེའུ་འགྲོ་ན་གླང་པོ་ཆེའི་ཕྲུག་གུ་ཡང་འགྲོ་སྟེ། རྟག་ཏུ་འགྲོགས་སོ།། གླང
224a5 པོ་ཆེའི་ཕྲུག་གུའི་གཅིན་རྟག་ཀྱང་གསེར་དུ་འབྱུང་ངོ་། ། གླང་པོ་སྐྱོང་ཆེར་སྐྱེས་ནས་ཁྱིམ་བདག་གི་བུ་ལྔ་བརྒྱ་ཙམ་དང་རྟག་ཏུ་ལྷན་ཅིག་རྩེ་སྟེ་གཅིག་ལ་གཅིག་ཡིད་གཅུགས་པས། ཕྱི་ཞིག་ན་བུས
224a6 པ་དེ་དག་སོ་སོ་ནས་ཁྱིམ་ཁྱིམ་ན་ངོ་མཚར་ཆེ་བ་ཅི་ཡོད་པའི་གཏམ་བྱས་པ་དང་། དེ་ལ་ཁ་ཅིག་ནི་ངའི་ཁྱིམ་ན་ཁྲི་སྟན་དང་ཉལ་བའི་མལ་ཆ་ལ་སོགས་པ་ཐམས་ཅད་རིན་པོ་ཆེ་སྣ་བདུན་ལས་བྱས་སོ།།
224a7 ཞེས་ཟེར་རོ།། ཁ་ཅིག་ནི་ངའི་ཁྱིམ་དང་སྐྱེད་མོས་ཚལ་ལ་སོགས་པ་ཐམས་ཅད་ཀྱང་རིན་པོ་ཆེ་ཞེས་ཟེར་རོ།། ཁ་ཅིག་ནི་ངའི་བང་མཛོད་རྟག་ཏུ་རིན་པོ་ཆེ་དམ་པས་ཡོངས་སུ་གང་ངོ་ཞེས་ཟེར་ཏེ།
iiif viewer powered by OpenSeadragon
