| e-texts navigator |
| Wylie |
223b1 སློབ་དཔོན་འཕགས་པ་དང་ཕྲད་ནས་ཁྱེད་པས་ཀྱང་བརྒྱ་འགྱུར་སྟོང་འགྱུར་དུ་ཆོས་ཐོས་ནས་སེམས་ཡོངས་སུ་དག་ཅིང་། འབྲས་བུ་ཐོབ་པར་གྱུར་ཅིག་ཅེས་སྨོན་ལམ་བཏབ་བོ།། བཅོམ་ལྡན
223b2 འདས་ཀྱིས། ཀུན་དགའ་བོ་ལ་བཀའ་སྩལ་བ། དེའི་ཚེ་དེའི་དུས་ན་དགེ་སློང་དན་བྱི་ལིས་དགེ་སློང་གྲོགས་པོ་བཞིའི་བསོད་སྙོམས་སྦྱར་བས། བསྐལ་པ་དགུ་བཅུ་རྩ་གཅིག་གི་བར་དུ
223b3 ལྷ་དང་མིའི་ནང་ན་ཚེ་རིགས་བཙུན་པར་སྐྱེས་ཏེ། དབུལ་ཞིང་འཕོངས་པའི་རིགས་སུ་མ་སྐྱེས་སོ།། ད་ཡང་ང་མཐོང་བ་ཙམ་གྱིས་འབྲས་བུ་ཐོབ་པར་གྱུར་ཏོ།། དེའི་ཚེ་ན་ཀུན་དགའ་བོ་དང་རིག
223b4 སློང་རྣམས། བཅོམ་ལྡན་འདས་ཀྱིས་གསུངས་པ་ཐོས་ནས། སོ་སོ་ནས་བརྩོན་འགྲུས་བརྩམས་པས་འབྲས་བུ་དང་པོ་ནས། འབྲས་བུ་བཞི་པའི་བར་དུ་ཐོབ་བོ།། ཁ་ཅིག་ནི་རྒྱ་ཆེན་པོའི
223b5 སེམས་བསྐྱེད་དེ་ཕྱིར་མི་ལྡོག་པའི་ས་ལ་གནས་པར་གྱུར་ཏོ། ། བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་པ་ལ་སོ་སོ་ནས་རྗེས་སུ་ཡི་རང་སྟེ་མངོན་པར་དགའ་འོ།། ཁྱིམ་བདག་ངན
223b6 བྱི་ལི་ཞེས་བྱ་བའི་ལེའུ་སྟེ་བཞི་བཅུ་རྩ་གཅིག་པའོ། ། །། གླང་པོ་སྐྱོང་གི་ལེའུ་འོ།། འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་མཉན
223b7 ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། ། དེའི་ཚེ་ཡུལ་མ་ག་དྷ་ན་ཁྱིམ་བདག་གཅིག་ལ་བུ་ཞིག་བཙས་ཏེ། བཟང་བ་བལྟ་ན་སྡུག་པ
iiif viewer powered by OpenSeadragon
