| e-texts navigator |
| Wylie |
223a1 དགེ་སློང་ལྔ་བརྒྱ་ཙམ་ཞིག་ལྷན་ཅིག་ཏུ་འདི་སྐད་ཅེས་དམ་བཅས་སོ།། བདག་ཅག་གིས་དབེན་པའི་གནས་ཤིག་བཙལ་ལ་བྱང་ཆུབ་ཀྱི་ལམ་བསྒོམ་མོ་ཞེས་བྱས་ནས། ཚལ
223a2 ཞིག་གི་ནང་ན་གསིང་མ་དང་ཆུ་མིག་ཡོད་པ་ཞིག་ཏུ་དབེན་པའི་གནས་བཅས་ཏེ། དགེ་སློང་དེ་དག་ཡིད་མཐུན་པར། དགེ་སློང་གཅིག་ཅིག་ལ་འདི་སྐད་ཅེས་གསོལ་བ་བཏབ་བོ།། བདག་ཅག
223a3 གི་གནས་འདི་གྲོང་ཁྱེར་དང་རིང་བས་ཐམས་ཅད་བསོད་སྙོམས་ལ་འགྲོ་བ་ཀུན་ཉོན་མོངས་ཀྱིས། ཁྱོད་བསོད་ནམས་བྱ་བའི་ཕྱིར་ཁྱོད་ཀྱིས་དེ་ཀྱི་བསོད་སྙོམས་སློངས་ལ་བྱིན་ཅིག་ཅེས་སྨྲས་པ་དང་།
223a4 དགེ་སློང་དེས་ཀྱང་དེ་ལྟར་བྱའོ་ཞེས་ཁས་བླངས་ནས་རྟག་ཏུ་གྲོང་དུ་སོང་སྟེ། སྦྱིན་བདག་མང་པོ་ལ་ཆོས་བསྟན་ནས་བསོད་སྙོམས་བསླངས་སོ།། དེའི་ནང་ན་མི་བཞི་ཞིག་ལུས་ལས་སུ
223a5 རུང་བས་བསྒོམས་ནས་ཞག་དགུ་བཅུ་ལོན་པ་དང་འབྲས་བུ་ཐོབ་པར་གྱུར་ཏེ། དེ་དག་ཡིད་མཐུན་པར་དགེ་སློང་བསོད་སྙོམས་སློང་བ་ལ་འདི་སྐད་ཅེས་བསྒོའོ།། བདག་ཅག་ནི་ཁྱོད་ཀྱི་ཕྱིར
223a6 རབ་ཏུ་བདེ་སྟེ་ཐོག་མ་རེ་བའི་ཏིང་ངེ་འཛིན་ཡང་ཐོབ་ཀྱིས། ཁྱོད་ཅིར་སྨོན་པ་ངེད་ལ་བྱོས་ཤིག་དང་། ཁྱོད་ཀྱི་རེ་བ་བསྐང་ངོ་ཞེས་བསྒོའོ།། དེའི་ཚེ་དགེ་སློང་དེ་ཡང་རབ་ཏུ་དགའ་ནས་འདི་སྐད
223a7 ཅེས་སྨྲས་སོ། ། བདག་མ་འོངས་པའི་དུས་ན་ལྷ་འམ་མིར་སྐྱེས་ཀྱང་ཕྱུག་ཅིང་ལོངས་སྤྱོད་དང་ལྡན་ཏེ། ཅི་དགོས་པ་ཐམས་ཅད་ཆེད་དུ་ལས་མ་བྱས་པར་ཐམས་ཅད་རང་སྐྱེས་པར་གྱུར་ཅིག
iiif viewer powered by OpenSeadragon
