| e-texts navigator |
| Wylie |
222a1 ལ་སློང་དུ་འོངས་སོ་ཞེས་སྨྲས་པ་དང་། ཁྱིམ་བདག་དེ་རབ་ཏུ་དགའ་ནས་རྒྱལ་པོ་ཉིད་བང་མཛོད་དུ་གཤེགས་སུ་གསོལ་ཏེ། རིན་པོ་ཆེ་སྣ་བདུན་ལ་སོགས་པ་ནོར
222a2 དབྱིག་ཐམས་ཅད་ཀྱང་བསྟན། ཙན་དན་གྱི་ཕུང་པོ་ཚད་མེད་པ་དག་ཀྱང་བསྟན་ནས། ཅི་བཞེད་པ་བཞེས་ཤིག་ཅེས་གསོལ་པ་དང་། རྒྱལ་པོས་སྨྲས་པ། ང་ལ་སྲང་གཉིས་ལས་མི
222a3 དགོས་ཀྱིས་བྱིན་ཅིག་ཅེས་སྨྲས་པ་དང་། ཁྱིམ་བདག་གིས་ཅི་བཞེད་པ་ཕུལ་ལོ།། དེ་ནས་རྒྱལ་པོ་སླར་གཤེགས་པ་དང་། ཁྱིམ་བདག་དེ་ལ་ཁྱོད་སངས་རྒྱས་དང་ཕྲད་དུ་སོང་ཞིག་ཅེས
222a4 བསྒོའོ། ། ཁྱིམ་བདག་དེས་སྤྲས་པ། སངས་རྒྱས་ཞེས་བྱ་བ་ཇི་ལྟ་བུ། རྒྱལ་པོས་སྨྲས་པ། ཅི་ཁྱོད་མ་ཐོས་སམ། གྲོང་ཁྱེར་སེར་སྐྱའི་རྒྱལ་པོ་ཟས་གཙང་མའི་སྲས་རྒ་བ་དང་།
222a5 ན་བ་དང་། ཤི་བ་ལས་སྐྱོ་ནས་རབ་ཏུ་བྱུང་སྟེ། བྱང་ཆུབ་ལ་ནན་ཏན་བྱས་པས་མངོན་པར་སངས་རྒྱས་ཏེ་མཚན་སུམ་ཅུ་རྩ་གཉིས་དང་། དཔེ་བྱད་བཟང་པོ་བརྒྱད་ཅུས་སྐུ་བརྒྱན་ནས། རྫུ
222a6 འཕྲུལ་གྱི་རྐང་པ་དང་། ཡེ་ཤེས་ནི་དཔེ་ཟླ་མེད་དེ་ལྷ་དང་མིའི་གཙོ་བོར་གྱུར་པས་སངས་རྒྱས་ཞེས་བྱའོ།། ཁྱིམ་བདག་གིས་དེ་སྐད་ཅེས་སྨྲས་པ་ཐོས་ནས། ཤིན་ཏུ་དད་པའི་སེམས
222a7 སྐྱེས་ཏེ། རྒྱལ་པོ་ལ་སངས་རྒྱས་ད་ལྟར་གང་ན་བཞུགས་ཞེས་གསོལ་པ་དང་། རྒྱལ་པོས་སྤྲོས་པ། ད་ལྟར་རྒྱལ་པོའི་ཁབ་འོད་མའི་ཚལ་ན་བཞུགས་སོ།། རྒྱལ་པོ་གཤེགས
iiif viewer powered by OpenSeadragon
