| e-texts navigator |
| Wylie |
220b1 དུ་གྱུར་ཏེ། བང་མཛོད་མང་པོ་ཡང་ཐམས་ཅད་ཡོངས་སུ་གང་ནས་ཅི་ཡང་ཡོད་པར་གྱུར་ཏོ།། དེའི་ཚེ་རྒྱལ་པོའི་སྲས་བཻ་ཌཱུཪྻ་ཞེས་བྱ་བ་ཚ་བའི་ནད་ཀྱིས་བཏབ་སྟེ། སྨན་པས་སྨན་དཔྱད་བྱས
220b2 ནསྨན་དུ་གོར་ཤིར་ཤ་ཙན་དན་གྱིས་ལུས་བསྐུས་ན་འཚོའོ་ཞེས་སྨྲས་ཏེ། རྒྱལ་པོས་ཡུལ་མི་ལ་འདི་སྐད་ཅེས་བཀར་བཏགས་སོ།། ཁྱེད་སུ་ལ་གོར་ཤིར་ཤ་ཙན་དན་ཡོད་ན་རྒྱལ་པོ་ལ་ཕུལ
220b3 ཅིག་དང་། བྱ་དགར་གསེར་སྲང་སྟོང་སྦྱིན་ནོ་ཞེས་ཀུན་ཏུ་བསྒོ་ན། གཅིག་ཙམ་ལ་ཡང་མ་བྱུང་ངོ་།། དེའི་ཚེ་ན་གཅིག་གིས་རྒྱལ་པོ་ལ་འདི་སྐད་ཅེས་སྨྲས་སོ།། ཡུལ་ཀོ་ས་ལར་ཁྱིམ་བདག་ངན
220b4 བྱི་ལིའི་ཁྱིམ་ན་མང་དུ་ཡོད་དོ་ཞེས་སྤྲས་པ་དང་། རྒྱལ་པོ་ཉིད་རྟའི་ཐེག་པ་ལ་ཞོན་ཏེ་ཙན་དན་སློང་དུ་ཆས་སོ།། ཁྱིམ་བདག་དེའི་སྒོར་ཕྱིན་པ་དང་། ཁྱིམ་བདག་དེའི་སྒོ་ན་སྒོ་སྲུང་དག་གིས་རྒྱལ
220b5 པོ་གསལ་རྒྱལ་འདིར་གཤེགས་ཏེ། ད་ལྟར་ཕྱི་རོལ་ན་བཞུགས་སོ་ཞེས་སྨྲས་པ་དང་། ཁྱིམ་བདག་དེ་རབ་ཏུ་དགའ་ནས་སྒོར་བྱུང་སྟེ་རྒྱལ་པོ་ནང་དུ་བསུས་སོ།། རྒྱལ་པོས་སྒོར་ཕྱིན་ཏེ་བལྟས
220b6 ན་སྒོ་ཉིད་ཀྱང་དངུལ་ལས་བྱས་ཏེ། སྒོའི་ནང་རོལ་ན་བུད་མེད་མཛེས་ཤིང་སྡུག་པ་འཇིག་རྟེན་ན་ཟླ་མེད་པ་ཞིག་དངུལ་གྱི་ཁྲི་ལ་འདུག་སྟེ་དངུལ་གྱི་སྐུད་པ་འཁལ་ལོ།། དྲུང་ན་ན་ཅུང་བཟང་མོ་བཅུ་ཡང
220b7 གཡོག་བྱེད་དེ། རྒྱལ་པོས་དེ་མཐོང་ནས་ཁྱིམ་བདག་ལ་འདི་ཁྱོད་ཀྱི་ཆུང་མ་ཡིན་ནམ་ཞེས་དྲིས་ན། མ་ཡིན་ཏེ་སྒོ་སྲུང་བའི་བྲན་མོ་ཡིན་ནོ་ཞེས་སྨྲས་སོ།། འོ་ན་ན་ཅུང་བཟང་མོ་འདི་དག་ཅི་ལ
iiif viewer powered by OpenSeadragon
