| e-texts navigator |
| Wylie |
21b1 དེ་མི་སྣང་བར་གྱུར་ནས་རིང་པོ་མ་ལོན་པར་གསེར་གྱི་གཞོད་པའི་ནང་ཤིང་ཐོག་བཟང་པོས་བཀང་སྟེ་མི་དེ་ལ་བྱིན་ནས། ཁྱོད་ཀྱིས་ཤིང་ཐོག་འདི་ཁྱེར་ལ་རྒྱལ་པོ་ལ་ཕུལ་ཏེ། འཕྲིན་དུ་ཡང
21b2 འདི་སྐད་ཅེས་གྱིས་ཤིག། རྒྱལ་པོ་དང་བདག་ཏུ་བཤེས་ཏེ། སྔོན་ཚེ་སྔ་མ་ལ་གཉིས་ཀ་ཀུན་ཏུ་རྒྱུ་ཡིན་པ་ལས། ཉིན་ཞག་གཅིག་པའི་ཁྲིམས་བརྒྱད་མནོས་ཏེ། སོ་སོར་སྨོན་ལམ
21b3 བཏབ་པ་ལས་རྒྱལ་པོ་ནི་ཚུལ་ཁྲིམས་བསྲུངས་པས་རྒྱལ་པོར་གྱུར་ཏོ། ། བདག་ནི་ཚུལ་ཁྲིམས་ཉམས་པས་ཀླུར་སྐྱེས་ཀྱིས། ང་ཡང་ཚུལ་ཁྲིམས་བསྲུང་ཞིང་ལུས་འདི་ལས་ཐར་པར
21b4 དགའ་འོ། ། ཉིན་ཞག་གཅིག་པའི་ཁྲིམས་བརྒྱད་ཀྱི་ཆོ་ག་བདག་ལ་སྩལ་དུ་གསོལ། ཇི་སྟེ་མ་གནང་ན་རྒྱལ་པོའི་ཡུལ་ཡང་རྒྱ་མཚོར་བསྒྱུར་རོ་ཞེས་འཕྲིན་སྤྲིང་ངོ་།། ར་བ་བསྲུང་བ
21b5 ངེས་ཤིང་ཐོག་ཁྱེར་ཏེ་རྒྱལ་པོ་ལ་ཕུལ་ནས། ཀླུས་སྤྲིང་བའི་འཕྲིན་ཡང་རྫོགས་པར་བསྙད་པ་དང་། རྒྱལ་པོ་དེ་མི་དགའ་བར་གྱུར་ཏོ།། དེ་ཅིའི་ཕྱིར་ཞེ་ན། དེའི་ཚེ་འཇིག་རྟེན་ན
21b6 སངས་རྒྱས་ཀྱང་མི་བཞུགས། དམ་པའི་ཆོས་ཀྱང་ནུབ་ནས་ཉིན་ཞག་གཅིག་པའི་ཁྲིམས་བརྒྱད་ཀྱི་དཔེ་ཡང་མི་རྙེད་དེ། དོན་དེ་མ་བསྒྲུབས་ན་ནི་གནོད་པ་མངོན་དུ་བྱེད་ཀྱིས་དོགས་པས
21b7 རྟོག་པ་ལ་ཞུགས་ཏེ་མི་དགའ་ནས་སེམས་ཤིང་འདུག་འདུག་པ་ལས། རྒྱལ་པོ་དེས་བློན་པོ་ཆེན་པོ་མཆོག་ཅིག་ཡོད་པ་ལ་འདི་སྐད་ཅེས་བཀའ་སྩལ་ཏོ།། ཀླ་ཞིག་ང་ལ་ཁྲིམས་བརྒྱད
iiif viewer powered by OpenSeadragon
