| e-texts navigator |
| Wylie |
219a1 དགའ་བོ་ཁྱོད་སྔོན་བྲམ་ཟེ་ཤི་ཙིར་གྱིས་བོས་པ་དྲན་ནམ། གསོལ་པ། དྲན་ནོ།། ཀུན་དགའ་བོ་ཁྱོད་ཀྱིས་ཟས་ཀྱི་བྱ་བ་བྱས་ནས་ནེའུ་གསིང་ལ་བསྟི་བ་ན་སྤྲེའུ་ཞིག
219a2 གིས་ཁྱོད་ལས་ལྷུང་བཟེད་བླངས་ཏེ་སྦྲང་རྩིས་བཀང་ནས་ང་ལ་ཕུལ་བ་དང་། སྤྲེའུ་དགའ་ནས་མཆོངས་པ་དང་། གར་བྱས་པ་ལས་གཡང་དུ་སོང་སྟེ་ཚེ་བརྗེས་པ་དྲན་ནམ། གསོལ་པ།
219a3 དྲན་ནོ། ཀུན་དགའ་བོ་དེའི་ཚེ་ན་སྦྲང་རྩི་ཕུལ་བའི་སྤྲེའུ་དེ་ནི། དགེ་སློང་སྦྲང་རྩི་མཆོག་འདི་ཡིན་ནོ།། སངས་རྒྱས་མཐོང་ནས་དགའ་བའི་སེམས་ཀྱིས་སྦྲང་རྩི་ཕུལ་བས་བྲམ་ཟེ་དེའི་བུར་སྐྱེས་ཏེ།
219a4 བྱད་གཟུགས་བཟང་བ་དང་། རབ་ཏུ་བྱུང་ནས་ཀྱང་ཟག་པ་མེད་པར་གྱུར་ཏོ།། དེ་ནས་ཀུན་དགའ་བོས་པུས་མོའི་ལྷ་ང་ས་ལ་བཙུགས་ནས། ཡང་བཅོམ་ལྡན་འདས་ལ
219a5 འདི་སྐད་ཅེས་གསོལ་ཏོ། ། དགེ་སློང་འདིས་ཉེས་པ་ཅི་ཞིག་བགྱིས་ན་སྤྲེའུའི་ནང་དུ་སྐྱེས་པར་གྱུར། བཅོམ་ལྡན་འདས་ཀྱིས། ཀུན་དགའ་བོ་ལ་བཀའ་སྩལ་པ། སྔོན་འདས་པའི་དུས
219a6 ན་སངས་རྒྱས་འོད་སྲུངས་འཇིག་རྟེན་དུ་གཤེགས་པའི་ཚེ། དགེ་སློང་གསར་ཞུགས་གཞོན་ནུ་ཞིག་གིས། དགེ་སློང་ཞིག་ཡུར་བ་ཞིག་ལ་མཆོངས་པ་མཐོང་ནས། འདི་སྐད་དུ་ཁྱོད་ནི་རབ
219a7 ཏུ་མྱུར་ཏེ་སྤྲེའུ་དང་འདྲའོ་ཞེས་སྨྲས་པ་དང་། དགེ་སློང་དེས་ཐོས་ནས་དེ་ལ་འདི་སྐད་ཅེས་སྨྲས་སོ།། ཁྱོད་ཀྱིས་ང་ཤེས་སམ། སྨྲས་པ། ཁྱོད་ནི་སངས་རྒྱས་འོད་སྲུངས་ཀྱི་དགེ
iiif viewer powered by OpenSeadragon
