| e-texts navigator |
| Wylie |
218a1 ནས་བཅོམ་ལྡན་འདས་ལ་ཕུལ་ལོ། ། བཅོམ་ལྡན་འདས་ཀྱིས་སྦྲང་རྩིའི་ནང་གི་མི་གཙང་བ་ཕྱུང་ཞིག་ཅེས་བཀའ་སྩལ་པ་དང་། སྤྲེའུས་སྲིན་བུའི་རོ་ལ་སོགས་པ
218a2 བསལ་ཏེ་ཕུལ་ལོ། ། བཅོམ་ལྡན་འདས་ཀྱིས་སྦྲང་རྩིའི་ལྷུང་བཟེད་བཞེས་ནས། སྦྲང་རྩི་ཆུ་དང་སྦྱོར་ལ་གསོལ་ཅིག་ཅེས་བཀའ་སྩལ་ནས། ཆུ་དང་སྦྱར་ཏེ་བཅོམ་ལྡན་འདས་ལ་ཕུལ
218a3 ལོང་བཅོམ་ལྡན་འདས་ཀྱིས་བཞེས་ནས་དགེ་སློང་གི་དགེ་འདུན་རྣམས་ལ་ཡང་བགོས་ཏེ་བྱིན་ནས་ཐམས་ཅད་ངོམས་པར་གྱུར་ཏོ། ། དེའི་ཚེ་སྤྲེའུ་དེས་འདི་ལྟ་བུ་དག་མཐོང་ནས་རབ་ཏུ
218a4 དགའ་སྟེ་མཆོངས་པ་དང་། གར་བྱས་པ་དང་གཡང་དུ་ལྷུང་སྟེ་ཚེའི་དུས་བྱས་ནས་དེ་མཐག་ཏུ་བྲམ་ཟེའི་བུར་སྐྱེས་ཏེ། བྲམ་ཟེ་དེའི་ཆུང་མ་སེམས་ཅན་དང་ལྡན་པར་གྱུར་ཏེ། ཟླ་བ་ཚང་ནས་བུ།
218a5 ཁྱེའུ་བཟང་བ་བལྟ་ན་སྡུག་པ་གཅིག་བཙས་སོ།། ཐོག་མ་བཙས་པའི་ཚེ་ཁྱིམ་གྱི་ནང་ན་སྣོད་ཅི་ཡོད་པ་དེ་དག་ཐམས་ཅད་ཀྱི་ནང་ན་སྦྲང་རྩིས་གང་བར་གྱུར་ཏོ།། བྲམ་ཟེ་ཁྱོ་ཤུག་རབ་ཏུ་དགའ་ནས
218a6 མཚན་མཁན་པོས་ཏེ་མཚན་བལྟས་སོ། ། མཚན་མཁན་གྱིས་ཁྱེའུ་འདི་བཙས་པ་ན་ལྷས་ས་མ་ཡ་མཚན་ཅི་ཞིག་བྱུང་ཞེས་དྲིས་ན། ཐོག་མ་བཙས་པའི་ཚེ་སྦྲང་རྩིས་གང་ངོ་ཞེས་སྨྲས་ནས། བུའི
218a7 མིང་ཡང་སྦྲང་རྩི་མཆོག་ཅེས་བྱ་བར་བཏགས་སོ། ། དེ་ནས་གསོས་བསྐྱེད་དེ་ཆེར་སྐྱེས་པ་དང་། ཕ་མ་ལ་རབ་ཏུ་འབྱུང་བར་གསོལ་ཏོ།། ཕ་མས་བུ་ལ་ཆགས་པས་མ་བཏང་ངོ་།། ཁྱེའུས་ཡང
iiif viewer powered by OpenSeadragon
