| e-texts navigator |
| Wylie |
217b1 ཆེར་སྐྱེས་ནས་རབ་ཏུ་འབྱུང་བ་ལ་དགའ་བར་འགྱུར་རོ་ཞེས་བཀའ་སྩལ་ཏོ།། བྲམ་ཟེས་དེ་སྐད་ཅེས་བཀའ་སྩལ་པ་ཐོས་ནས་རབ་ཏུ་དགའ་མགུ་རངས་ཏེ། བུ་ཡོད་པར་གྱུར་ན་ལྷ་རབ་ཏུ
217b2 བྱུང་ཡང་བླ་སྟེ། སྡུག་བསྔལ་མེད་དོ་ཞེས་སྨྲས་ནས། བཅོམ་ལྡན་འདས་དང་དགེ་སློང་གི་དགེ་འདུན་རྣམས་བཤོས་ལ་གཤེགས་པར་སྤྱན་དྲངས་པ་དང་། བཅོམ་ལྡན་འདས་ཀྱིས་ཅང
217b3 མི་གསུང་བར་གཤེགས་སུ་གནང་སྟེ། ཕྱིད་ཉིན་གདུགས་ཚོད་ལ་བབ་ནས། སངས་རྒྱས་དང་དགེ་འདུན་བཅས་སུ་བྲམ་ཟེ་དེའི་ཁྱིམ་དུ་གཤེགས་ནས། གདན་བཏིང་བ་ལ་བཞུགས་ཏེ།
217b4 བྲམ་ཟེ་ཁྱོ་ཤུག་གིས་བསྟི་སྟང་དང་བཅས་པས་བསོད་སྙོམས་གསོལ་ཏོ།། བསོད་སྙོམས་གསོལ་ནས་སངས་རྒྱས་དང་དགེ་འདུན་བཅས་སུ་སླར་གཤེགས་པ་དང་། དེའི་བར་ན་ནེའུ་གསིང
217b5 ཞིག་ཡོད་དེ། ཆུ་མིག་ཤིན་ཏུ་གཙང་མ་ཞིག་ཡོད་པ་ལ། བཅོམ་ལྡན་འདས་དང་དགེ་སློང་གི་དགེ་འདུན་རྣམས་མཉེལ་བ་ཤོལ་ཏེ། སོ་སོ་ནས་ཆུ་མིག་དེ་ལ་བཅུས་ནས་ལྷུང་བཟེད་དང་རྐང
217b6 ལག་བཀྲུས་སོ། ། དེ་ནས་སྤྲེའུ་ཞིག་དེར་འོངས་ཏེ། ཀུན་དགའ་བོ་ལས་ལྷུང་བཟེད་བླངས་པ་དང་། བཅག་གིས་དོགས་པས་ཀུན་དགའ་བོས་ལྷུང་བཟེད་མ་སྟེར་བ་ལས། བཅོམ་ལྡན
217b7 འདས་ཀྱིས་ཀུན་དགའ་བོ་ལྷུང་བཟེད་སྤྲེའུ་ལ་བྱིན་ཅེས་བཀའ་སྩལ་ཏོ། ། དེ་ནས་ཀུན་དགའ་བོས་ལྷུང་བཟེད་སྤྲེའུ་ལ་བྱིན་པ་དང་། སྤྲེའུས་ཤིང་ཀ་ནས་སྦྲང་རྩི་བླངས་ཏེ་ལྷུང་བཟེད་བཀང
iiif viewer powered by OpenSeadragon
