| e-texts navigator |
| Wylie |
216b1 དེའི་ཚེ་དེའི་དུས་ན་རྒྱལ་པོ་མཛེས་པ་ཅན་དེ་ལ་གཞན་དུ་མ་སེམས་ཤིག་ད་ལྟར་ང་ཡིན་ནོ། ། དེའི་ཚེ་དེའི་དུས་ན་བྲམ་ཟེ་དབྱིག་པ་ཅན་དེ་ནི་བྲམ་ཟེ་ཕྱིན་ཏེ་ལོ་ཤུ་ཤ་ཡིན་ནོ།། ངས་སྔོན་ཡང་སྡུག
216b2 བསྔལ་ཐམས་ཅད་ལས་ཐར་པར་བྱས་ཏེ། རིན་པོ་ཆེ་བྱིན་ནས་བདེ་སྐྱིད་པར་བྱས་སོ།། ད་མངོན་པར་སངས་རྒྱས་ནས་ཀྱང་སྡུག་བསྔལ་ལས་ཐར་པར་བྱས་ཏེ། ཟད་མི་ཤེས་པའི་ཆོས་རིན
216b3 པོ་ཆེའི་གཏེར་བྱིན་ནོ། ། བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། ཚེ་དང་ལྡན་པ་ཀུན་དགའ་བོ་དང་འཁོར་མང་པོ། བཅོམ་ལྡན་འདས་ཀྱིས་གསུངས་པ་ལ་རྗེས་སུ་ཡི་རང་ནས
216b4 མངོན་པར་དགའ་འོ། ། ཁྱིམ་བདག་དབྱིག་པ་ཅན་ཞེས་བྱ་བའི་ལེའུ་སྟེ་སུམ་ཅུ་དགུ་པའོ།། །། བྲམ་ཟེ་ཤི་ཚིར་ཞེས་བྱ་བའི་ལེའུའོ།། འདི་སྐད་བདག་གིས་ཐོས
216b5 པའི་དུས་གཅིག་ན། བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ།། དེའི་ཚེ་ཡུལ་དེ་ན་བྲམ་ཟེ་ཤི་ཙཽར་ཞེས་བྱ་བ་ཆོ
216b6 རིགས་བཙུན་པ་ཕྱུག་པ་ཞིག་ཡོད་དེ། བུ་མེད་པར་སྟོན་པ་དྲུག་གི་ཐད་དུ་སོང་སྟེ་དྲིས་པ་དང་། སྟོན་པ་དྲུག་གིས་ཀྱང་ཁྱོད་ལ་བུའི་མཚན་ཡོང་མེད་དོ་ཞེས་སྨྲས་སོ།། དེ་ནས་བྲམ་ཟེ་ཕྱིར
216b7 ཁྱིམ་དུ་འོངས་ནས་གོས་དྲི་མ་ཅན་གྱོན་ཏེ། མྱ་ངན་གྱི་ཁང་བུར་ཞུགས་ནས་མི་དགའ་སྟེ་འདི་སྙམ་དུ་བསམས་སོ།། བདག་ལ་བུ་ནི་མེད་ཀྱི། གལ་ཏེ་ནང་གཅིག་ཚེའི་དུས་བྱས་ན་ཁྱིམ་དང
iiif viewer powered by OpenSeadragon
