| e-texts navigator |
| Wylie |
216a1 གྱིས་ཤིག། ཁྱོད་ཀྱིས་དེ་སྟེ་ཁ་ཟས་ཀྱི་ཚོད་ཤེས་ལ་མི་ཁྲོ་ན། ཇི་ལྟར་ཕྱིར་འབྱུང་བ་དང་འདྲ་བར་བདེ་བར་འཇུག་གོ་ཞེས་སྨྲོས་ཤིག། དེ་ནས་ན་ཆུང་གཞོན་ནུའི་འཕྲིན་སྨྲས
216a2 པ་དང་རྒྱལ་པོས་སྤྲས་པ། ན་ཆུང་གཞོན་ནུ་དེ་ལ་ཁྱོད་ཀྱི་ཕའི་ཁྱིམ་ན་མཛའ་བོ་འདུག་སྟེ། ནམ་གྱེས་པོའི་ཁྱིམ་ན་འདུག་པ་དེའི་ཚེ་ན། མཛའ་བོ་ལ་ཆགས་པས་ཕའི་ཁྱིམ་དུ་འགྲོ་འདོད
216a3 དོ། ནམ་པའི་ཁྱིམ་ན་འདུག་པ་དེའི་ཚེ་ནི་མཛའ་བོ་ལ་སྐྱོ་སྟེ། ཁྱོ་ལ་ཆགས་པས་གྱོས་པོའི་ཁྱིམ་དུ་འགྲོ་འདོད་པ་ཡིན་གྱིས། གནས་གཅིག་སྤོངས་ལ་གཅིག་ལེགས་པར་ཟུང་ཞིག་དང
216a4 དེ་ལྟ་བུའི་གནོད་པ་མེད་པར་འགྱུར་རོ་ཞེས་སྨྲོས་ཤིག། གནས་གཞན་ཞིག་ན་ཤིང་ཤ་ཀོ་ཏ་ཀ་ལ་བྱ་རོག་གཅིག་འདུག་པའི་འཕྲིན་སྨྲས་པ་དང་། རྒྱལ་པོས་སྨྲས་པ། ཤིང་དེའི་འོག
216a5 ན་གསེར་ཡོད་པས་ཁྱོད་ཀྱི་སྐད་སྙན་པ་ཡིན་ནོ། ། ཤིང་གཞན་གྱི་དྲུང་ན་གསེར་མེད་པས་སྐད་མི་སྙན་ནོ་ཞེས་གྱིས་ཤིག། རྒྱལ་པོས་དབྱིག་པ་ཅན་ལ་སྨྲས་པ། ཁྱོད་ལ་ཉེས་པ་མང་དུ་བྱུང
216a6 ཡང་ངས་བཏང་ངོ་། ། ཁྱོད་ནི་དབུལ་འཕོངས་ཀྱིས། ཤིང་གི་འོག་ན་གསེར་གྱི་གཏེར་ཡོད་པ་ཁྱོད་རྐོས་ལ་ཁྱེར་ཅིག། དབྱིག་པ་ཅན་གྱིས་རྒྱལ་པོས་བསྒོ་བ་བཞིན་དུ་སོ་སོའི་འཕྲིན་ཡང་བསྒོ
216a7 ནས་ཤིང་དྲུང་ནས་གསེར་ཡང་ཕྱུང་སྟེ་ཁྱེར་རོ། ། དེ་ཕྱིན་ཆད་སོ་ཆེས་ཚུགས་ནས་ཅིས་ཀྱང་མི་བྲེལ་ཏེ། ཚེ་གཅིག་ཏུ་ཕྱུག་ཅིང་བདེ་སྐྱིད་པར་གྱུར་ཏོ།། ཀུན་དགའ་བོ
iiif viewer powered by OpenSeadragon
