| e-texts navigator |
| Wylie |
215a1 སུན་བདག་གི་སོ་བཅག་པ་བས་དབྱིག་པ་ཅན་རྒྱལ་བར་གྱུར་བླའོ། ། ཆང་འཚོང་མས་སྨྲས་པ། དབྱིག་པ་ཅན་གྱིས་བདག་གི་བུ་བསད་དོ།། དབྱིག་པ་ཅན་གྱིས
215a2 སྨྲས་པ་བདག་ངལ་བས་ཆང་སློང་དུ་མཆིས་ནས་སྟན་ལ་མ་བལྟས་པར་སྟན་ལ་འདུག་པས། འོག་ན་བུ་མཆིས་པར་མ་ཚོར་ཏེ་བུ་གུམ་མོ།། རྒྱལ་པོས་སྨྲས་པ། ཆང་འཚོང་མ་ཁྱོད་བུ
215a3 གོར་བསྙལ་ལ་གོས་ཀྱིས་མི་མངོན་པར་གཡོགས་པས་ཉེས་སོ། ། དབྱིག་པ་ཅན་ཁྱོད་སྟན་ལ་མི་རྟོག་པར་འདུག་པ་ཡང་ཉེས་ཀྱིས། དབྱིག་པ་ཅན་ཁྱོད་ཁྱོར་བྱོས་ལ་བུ་ཡོད་པར་གྱིས་ཤིག་ཅེས
215a4 སྨྲས་སོ། ། ཆང་འཚོང་མས་སྨྲས་པ། གཅིག་ཏུ་ན་བདག་གི་བུ་བསད། གཉིས་སུ་ན་ཁྱོར་བྱིན་པ་བས་དབྱིག་པ་ཅན་རྒྱལ་བར་གྱུར་བླའོ།། ཐ་ག་པའི་ཆུང་མས་སྨྲས་པ། དབྱིག་པ་ཅན
215a5 གྱིས་བདག་གི་ཁྱོ་བཀུམ་མོ། ། དབྱིག་པ་ཅན་གྱིས་སྨྲས་པ། བདག་ལ་དགྲ་མངས་པས་འཇིགས་ཏེ་རྩིག་པ་རྒལ་ནས་བྲོས་པ་ལས། ཕག་ན་མི་ཡོད་པས་མ་མཐོང་སྟེ་གུམ་མོ།། རྒྱལ
215a6 པོས་སྨྲས་པ། སོང་ལ་འདི་ཉིད་ཁྱོད་ཀྱི་ཁྱོར་གྱིས་ཤིག། དེས་སྨྲས་པ། གཅིག་ཏུ་ན་བདག་གི་ཁྱོ་བསད། གཉིས་སུ་ན་བདག་གི་ཁྱོར་བྱ་བ་བས་དབྱིག་པ་ཅན་རྒྱལ་བར་གྱུར་བླའོ།།
215a7 དེ་དག་སོ་སོ་ནས་ཞལ་ཆེ་བཅད་དེ་དབྱིག་པ་ཅན་ཡུས་བྱིན་ནས་ཉེས་པ་ཀུན་ལས་ཐར་ཏོ།། རྒྱལ་པོ་དེ་ལ་ཡང་བུད་མེད་གཉིས་ཤིག་བུ་གཅིག་ལ་སྟོད་དེ། རྒྱལ་པོ་བློ་མཁས་པས་བརྟགས
iiif viewer powered by OpenSeadragon
