| e-texts navigator |
| Wylie |
212a1 འདི་སྙམ་དུ་བསམས་སོ། ། དགེ་སྦྱོང་གོའུ་ཏ་མ་ནི་རབ་ཏུ་བདེ་སྐྱིད་དོ།། དེ་ལ་ནི་ཆུང་མས་སྐྱོ་བ་ཡང་མེད། བུ་མོ་ངན་པས་དང་མག་པས་གཙེ་བ་ཡང་མེད།། ཞིང
212a2 བརྡ་རན་ཏེ་གླང་བརྙ་ཡང་མི་དགོས་ཏེ། མྱ་ངན་མེད་དོ་སྙམ་བསམས་ནས། བཅོམ་ལྡན་འདས་ཀྱིས་དེའི་བསམ་པ་ཐུགས་ཀྱིས་མཁྱེན་ནས་འདི་སྐད་ཅེས་བཀའ་སྩལ་ཏོ།། ཁྱོད་ཀྱི་བསམ
212a3 པ་བཞིན་ཏེ་ང་ལ་ཡང་དག་པར་ཉེས་པའི་སྐྱོན་གང་ཡང་མེད། ཆུང་མ་ངན་པ་ཡང་མེད་ན། གཤེ་ཞིང་སྤྱོ་བ་ལྟ་ཅི་སྨོས། བུ་མོ་བདུན་གྱི་འཚེ་བ་ཡང་མེད། མག་པ་ཁྱིམ་དུ་འདུ་བ་ཡང
212a4 མེད་ཞིང་བརྡ་རན་པ་དང་གླང་སྟོར་བའི་མྱ་ངན་བྱེད་པ་ཡང་མེད་དོ། ། ཁྱོད་རབ་ཏུ་འབྱུང་བར་དགའ་འམ་ཞེས་བཀའ་སྩལ་པ་དང་། བྲམ་ཟེས་བཅོམ་ལྡན་འདས་ལ་འདི་སྐད་ཅེས་གསོལ
212a5 ཏོ། བདག་ད་ལྟར་ཁྱིམ་ལ་དུང་ཙམ་དུ་འཛིན་ཏེ། ཆུང་མ་དང་བུ་མོ་ལ་དགྲ་ཙམ་དུ་སེམས་སོ།། བཅོམ་ལྡན་འདས་ཀྱིས་རབ་ཏུ་འབྱུང་བར་གནང་ན་བདག་རབ་ཏུ་འབྱུང་ངོ་ཞེས་གསོལ་པ་དང་།
212a6 བཅོམ་ལྡན་འདས་ཀྱིས་ལེགས་པར་འོངས་སོ་ཞེས་བཀའ་སྩལ་པས། སྒྲ་དང་ཁ་སྤུ་རང་བྱི་སྟེ་དགེ་སློང་དུ་གྱུར་ཏོ།། དེ་ནས་བཅོམ་ལྡན་འདས་ཀྱིས་ཅི་རིགས་པར་ཆོས་བསྟན་ནས། དེ་ཉིད
212a7 དུ་དྲི་མ་ཀུན་ཟད་དེ་དགྲ་བཅོམ་པར་གྱུར་ཏོ། ། དེ་ནས་ཀུན་དགའ་བོས། བཅོམ་ལྡན་འདས་ལ་གསོལ་པ། ལེགས་སོ་བཅོམ་ལྡན་འདས་སེམས་ཅན་གྱི་དོན་མཛད་པ
iiif viewer powered by OpenSeadragon
