| e-texts navigator |
| Wylie |
210b1 བྱ་ཕྲུག་དེ་བུ་ལ་བྱིན་ནས་ཆེར་སྐྱེས་པ་དང་། གཅིག་ལ་གཅིག་ཆགས་ཏེ། ཁྱིམ་བདག་གི་བུ་ཕན་ཚུན་དུ་ལྟད་མོ་ལ་འགྲོ་ན། བྱ་དེའི་རྒྱབ་ལ་འདུག་ནས་བྱས་ཁྱེར་ཞིང་ནམ་མཁའ་ལ་འཕུར་ཏེ་འགྲོ།
210b2 ནམ་སྐྱོན་ཕྱིར་ཡང་ཁྱིམ་དུ་འོངས་ཏེ། དེ་བཞིན་དུ་ཉིན་གཅིག་བཞིན་དུ་འཕྱན་དུ་འགྲོའོ།། དེ་ནས་རིང་ཞིག་ལོན་པ་དང་། དུས་གཞན་ཞིག་ན་རྒྱལ་པོ་གཞན་ཞིག་གི་ཡུལ་དུ་རོལ་མོ་བྱེད་དོ་ཞེས
210b3 ཐོས་ནས། ཁྱེའུ་དེ་བྱ་དེ་ལ་ཞོན་ཏེ་ཡུལ་ཕ་རོལ་པོར་ལྟད་མོ་ལྟར་སོང་ནས། བྱ་ཤིང་ཀར་བཞག་སྟེ་ཁྱེའུ་ནི་ལྟད་མོ་ལྟར་ཞུགས་སོ།། ལྟད་མོ་ལྟ་བའི་ལམ་དུ་རྒྱལ་པོའི་བུ་མོ་དང་ཕྲད་ནས།
210b4 རྒྱལ་པོའི་བུ་མོ་ལ་ཆགས་ཏེ་བུ་མོ་དང་ཉལ་ནས་ཕྱིས་གསང་ཤོར་ཏེ། རྒྱལ་པོས་ཟིན་ནས་གསོད་བཅུག་པ་ལས། ཁྱིམ་བདག་གི་བུས་འདི་སྐད་ཅེས་གསོལ་ཏོ།། བདག་ལ་མཚོན་གྱིས
210b5 དགུ་མ་ཡང་ཅི་འཚལ། བདག་ཉིད་ཤིང་ཁར་འཛེགས་ཏེ་ཤིང་ཁ་ནས་གཡང་དུ་འགུམ་པར་གསོལ་པ་དང་། རྒྱལ་པོས་ཀྱང་དེ་བཞིན་དུ་གནང་ནས། ཁྱེའུ་ཤིང་ཁར་འཛེགས་ཏེ་བྱ་ལ་ཞོན
210b6 ནས་འཕུར་ཏེ་སོང་བ་ལས་བྱ་དེས་སྲོག་ཐར་པར་བྱས་སོ། ། ཀུན་དགའ་བོ་དེའི་ཚེ་དེའི་དུས་ན་ཁྱིམ་བདག་གི་བུ་དེ་ནི་བ་ཤེ་ཅིར་ཡིན་ནོ།། རྒྱལ་པོའི་བུ་མོ་དེ་ནི་བུ་མོ་འདི་ཡིན་ནོ།། བྱ་དེ་ནི་མོའུ
210b7 འགལ་གྱི་བུ་ཡིན་ཏེ། འདས་པའི་དུས་ན་ཡང་འདོད་ཆགས་ཀྱི་རྐྱེན་གྱིས་ཚེ་ཟང་བ་ལས་ཐར་བར་བྱས་སོ།། ད་ཡང་འདོད་ཆགས་ཀྱི་དབང་གིས་ཚེ་ཟད་པ་ལས་མོའུ་འགལ་གྱི་བུས་བདེ
iiif viewer powered by OpenSeadragon
