| e-texts navigator |
| Wylie |
20a1 གཉིས་ཀ་བྱང་ཆུབ་ཀྱི་འབྲས་བུ་ཐོབ་ནས། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ། ཕྱིར་ཡང་ལྷའི་གནས་སུ་དོང་ངོ་།། ཕྱིད་ཉིན་ནས
20a2 ལངས་མ་ཐག་ཏུ་ཀུན་དགའ་བོས། བཅོམ་ལྡན་འདས་ལ་འདི་སྐད་ཅེས་གསོལ་ཏོ།། མ་དང་ལྷ་གཉིས་ཤིག་མཆིས་ཏེ། བཅོམ་ལྡན་འདས་ལ་བསྙེན་བཀུར་བགྱིས་ནས་དེའི་ལུས
20a3 ཀྱི་འོད་ཀྱིས་ཀུན་ཏུ་སྣང་ཞིང་མཛེས་པར་བགྱིས་པ་འདི་སྔོན་ལས་ཅི་ཞིག་བགྱིས་ན། དེ་ལྟ་བུའི་འབྲས་བུ་ཐོབ་པར་གྱུར་ཅེས་གསོལ་པ་དང་། བཅོམ་ལྡན་འདས་ཀྱིས། ཀུན་དགའ་བོ
20a4 ལ་འདི་སྐད་ཅེས་བཀའ་སྩལ་ཏོ། ། སྔོན་སངས་རྒྱས་འོད་སྲུངས་མྱ་ངན་ལས་འདས་ནས་དམ་པའི་ཆོས་འཇིག་ཏུ་ཉེ་བ་ན། བྲམ་ཟེ་གཉིས་ཤིག་ཉིན་ཞག་གཅིག་པའི་ཚུལ
20a5 ཁྲིམས་བརྒྱད་མནོས་ཏེ། དེ་ལ་གཅིག་གིས་ནི་ལྷར་སྐྱེ་བར་ཤོག་ཅིག་ཅེས་སྨོན་ལམ་བཏབ་བོ།། གཅིག་གིས་ནི་རྒྱལ་པོར་གྱུར་ཅིག་ཅེས་སྨོན་ལམ་བཏབ་ནས་ཕྱིར་ཁྱིམ་དུ་དོང་ངོ་།།
20a6 དེ་ལ་གཅིག་ཁྱིམ་དུ་འོངས་ནས་ཆུང་མས་ཟན་ལ་བོས་ན། ཁྱོས་འདི་སྐད་ཅེས་སྨྲས་སོ།། བདག་སངས་རྒྱས་ཀྱི་ཆོས་ལས་ཕྱི་དྲོ་ཁ་ཟས་མི་ཟ་བའི་ཁྲིམས་མནོས་ཀྱིས་མི་འདོང་ངོ་།། ཆུང
20a7 མས་སྤྲས་པ། ཁྱོད་ནི་ཀུན་ཏུ་རྒྱུ་ཡིན་ཏེ། བདག་ཅག་གི་ཆོས་ཀྱི་ཚུལ་ཁྲིམས་ཡོད་ན། ཅིའི་ཕྱིར་སྟོན་པ་གཞན་གྱི་ཚུལ་ཁྲིམས་ནོད། གལ་ཏེ་བདག་དང་ལྷན་ཅིག་ཟན་མི་ཟན
iiif viewer powered by OpenSeadragon
