| e-texts navigator |
| Wylie |
209b1 ཞེས་སྨྲས་པ་དང་། ཁྱེའུ་དེ་རོལ་མོ་ལ་སོགས་པ་སློབ་པ་ལ་ངོ་ཚ་བ་དང་བསྔོས་ནས། རིང་པོར་མ་ལོན་པར་ཀུན་བྱང་བར་བསླབས་སོ།། དུས་གཞན་ཞིག་ན་རྒྱལ་པོས་རོལ་མོ་བྱས་ཏེ། རྩལ་ཆེ
209b2 བ་ཀུན་བསགས་ནས་ཤིང་འཛེག་པ་དང་། མཆོངས་པ་དང་། ཐག་འཛེག་ལ་སོགས་པ་རྩེད་མོ་སྣ་ཚོགས་བྱེད་པ་ལས། ཁྱིམ་བདག་གི་བུ་ཡང་དེར་འོངས་ནས་ཐག་པ་ལ་འཛེགས་ཏེ། ཐག
209b3 པ་ལ་རྒྱུག་ཅིང་ཐག་འཛེག་བྱས་པ་དང་། རྒྱལ་པོ་ཡེངས་ཏེ་མ་མཐོང་བས་གདོང་བྱོས་ཤིག་ཅེས་བསྒོའོ།། ཁྱེའུ་ངལ་བས་ཐག་འཛེག་བྱས་པ་དང་། ཐག་པའི་དབུས་ཙམ་དུ་ཕྱིན་ནས་ཐག
209b4 པ་ལས་ལྷུང་སྟེ། ཤིན་ཏུ་སྐྲག་པས་སྐྱབས་མེད་དོ་ཞེས་སྨྲས་སོ།། དེའི་ཚེ་མོའུ་འགལ་གྱི་བུ་དེར་འོངས་ནས་ས་ལ་མ་ལྷུང་བར་བཟུང་སྟེ་འདི་སྐད་ཅེས་སྨྲས་སོ།། ཁྱོད་ང་ལུས་དང་སྲོག
209b5 མ་བྲལ་བར་རབ་ཏུ་འབྱུང་ངམ་འོན་ཏེ་ས་ལ་ལྷུང་སྟེ་བུ་མོ་ཆུང་མར་བླང་བར་བྱ། སྨྲས་པ། སྲོག་མ་ཡ་ལ་ན་ཆུང་མ་མི་འདོད་དོ་ཞེས་སྨྲས་པ་དང་། མོའུ་འགལ་གྱིས་ནམ་མཁའ་ལ་ས
209b6 གཞི་མཉམ་པར་སྤྲུལ་ནས་བདེ་བར་བཞག་པ་དང་། ཁྱེའུ་དེ་འཇིགས་པ་མེད་པར་གྱུར་ཏེ། བདེ་བར་ས་ལ་བཞག་པས་ཁྱེའུ་རབ་ཏུ་དགའ་ནས། མོའུ་འགལ་གྱི་ཕྱི་བཞིན་བཅོམ་ལྡན་འདས
209b7 གང་ན་བ་དེར་སོང་ངོ་། ། དེར་བྱིན་པ་དང་བཅོམ་ལྡན་འདས་ཀྱི་ཞབས་ལ་སྤྱི་བོས་ཕྱག་འཚལ་ཏེ། སངས་རྒྱས་ལ་མཆོད་པ་བྱས་སོ།། དེའི་ཚེ་ན་བཅོམ་ལྡན་འདས་ཀྱིས་སྦྱིན་པའི་གཏམ་དང་།
iiif viewer powered by OpenSeadragon
