| e-texts navigator |
| Wylie |
207a1 ན་འཁོར་ལོས་སྒྱུར་བའི་རྒྱལ་པོར་འགྱུར་རོ། ། གལ་ཏེ་རབ་ཏུ་བྱུང་ན་མངོན་པར་འཚང་རྒྱའོ་ཞེས་སྨྲས་ཏེ། མཚན་མཁན་གྱིས་རྒྱལ་པོ་ལ་འདི་སྐད་ཅེས་གསོལ་ཏོ།།
207a2 རྒྱལ་བུ་འདི་ཐོག་མ་བཙས་པ་ན་ངོ་མཚར་ཡ་མཚན་གྱི་ལྷས་ཅི་ཞིག་བྱུང་ཞེས་དྲིས་ན། རྒྱལ་བུ་འདི་བཙས་པའི་ཚེ་སྤྱི་བོ་ན་རིན་པོ་ཆེ་ཤིན་ཏུ་གསལ་བ་ཞིག་ཡོད་དོ་ཞེས་སྨྲས་ནས། རྒྱལ
207a3 བུའི་མིང་ཡང་རིན་ཆེན་གཙུག་ཕུད་ཅེས་བཏགས་སོ། ། ཕྱིས་ཆེར་སྐྱེས་ནས་རབ་ཏུ་བྱུང་སྟེ། བྱང་ཆུབ་ལ་ནན་ཏན་བྱས་ནས་མངོན་པར་སངས་རྒྱས་ཏེ། སེམས་ཅན་གྲངས་མེད་པའི་དོན་བྱས
207a4 སོ། ། དེའི་ཚེ་ན་རྒྱལ་པོ་ཡབ་ཀྱིས་སངས་རྒྱས་དང་དགེ་སློང་གི་དགེ་འདུན་དང་བཅས་པར་ཟླ་བ་གསུམ་གྱི་བར་དུ་སྤྱན་དྲངས་ནས། དེའི་ནང་ན་དགེ་སློང་འཕགས་པའི་གཉེན་ཞེས་བྱ་བ་ཞིག།
207a5 ཟླ་བ་གསུམ་གྱི་བར་དུ་མེ་མར་སྦྱོར་བའི་ཡོན་བདག་ཏུ་ཁས་བླངས་ནས། ཉིན་གཅིག་བཞིན་དུ་གྲོང་ཁྱེར་དུ་སོང་སྟེ། ཚོང་དཔོན་དང་། ཁྱིམ་བདག་དང་། མི་མང་པོ་ལས་མར་དང་། འབྲུ།།
207a6 མར་དང་། མེ་མར་གྱི་སྙིང་པོ་བསླངས་སོ།། དེའི་ཚེ་ན་རྒྱལ་པོ་དེ་ལ་བུ་མོ་ཐུབ་པ་ཞེས་བྱ་བ་ཞིག་ཡོད་དེ། ཡང་ཐོག་གི་སྟེང་ནས་དགེ་སློང་དེ་ཉིན་གཅིག་བཞིན་དུ་གྲོང་རྒྱུ་ཞིང་ཉོན་མོངས་པ
207a7 མཐོང་ནས། དེ་ལ་སྙིང་བརྩེ་སྟེ་མི་ཞིག་མངགས་ནས། བཙུན་པ་ཁྱོད་ཅི་ཞིག་སྒྲུབ་ན་རྟག་ཏུ་འདི་ལྟ་བུར་ཉོན་མོངས་ཞེས་དྲིས་ན། དགེ་སློང་དེས་འདི་སྐད་ཅེས་སྨྲས་སོ།། བདག་ནི་ཟླ
iiif viewer powered by OpenSeadragon
