| e-texts navigator |
| Wylie |
205a1 འཕོངས་ཏེ་མེ་མར་ཆུང་ངུ་མ་འདིས་སངས་རྒྱས་ལ་མཆོད་དོ། ། བསོད་ནམས་འདིས་མ་འོངས་པའི་དུས་སུ་བདག་ཤེས་རབ་ཀྱི་མར་མེ་དང་ལྡན་ཏེ། སེམས་ཅན་ཐམས
205a2 ཅད་ཀྱི་མུན་པའི་དྲི་མ་བསལ་བར་ཤོག་ཅིག་ཅེས་སྨོན་ལམ་བཏབ་ནས་ཕྱིར་གནས་སུ་སོང་ངོ་། ། དེའི་མཚན་མོ་མེ་མར་གཞན་ནི་ཟད་ཀྱི། བསྙེན་དགའ་མོའི་མེ་མར་གཅིག་པུ་ནི་ནམ་ནངས
205a3 ཀྱི་བར་དུ་འབར་རོ། ། དེའི་ཚེ་ན་མོའུ་འགལ་ཡ་ན་དུས་འཛིན་པའི་རེས་ལ་བབ་པས་ནམ་ལངས་ནས། མེ་མར་གཅིག་པུ་ཞིག་ལྷག་པར་གསལ་ཏེ་མར་དང་སྙིང་པོ་ཡང་མ་ཉམས། གསར
205a4 དུ་བཙུགས་མ་ཐག་པ་འདྲ་ནས་འདི་སྙམ་དུ་བསམས་སོ། ། ཉིན་པར་ནི་མེ་མར་བཙུགས་ཀྱང་ཕན་པ་མེད་ཀྱིས་གསད་དོ་སྙམ་ནས། གསད་པར་གཟས་ན་མ་སོད་དོ།། དེ་ནས་ལག་དར་ཏེ
205a5 གསད་པར་གཟས་ན་ཡང་མ་སོང་དེ་མ་ཉམས་སོ། ། དེ་ནས་གོས་ཀྱིས་གསད་པར་གཟས་ནས་ཡང་མ་སོད་པ། བཅོམ་ལྡན་འདས་ཀྱིས་གཟིགས་ནས། མོའུ་འགལ་ལ་འདི་སྐད་ཅེས
205a6 བཀའ་སྩལ་ཏོ། ། ཁྱོད་ཀྱིས་མེ་མར་འདི་གསད་སྙམ་སེམས་སམ། མེ་མར་འདི་ནི་ཁྱོད་ཀྱིས་མི་སོད་དོ།། ཁྱོད་ཉན་ཐོས་ཀྱིས་སྐུལ་ཞིང་བསྐྱོད་ནུས་པ་ཡང་མ་ཡིན་ནོ།། གལ་ཏེ་ཁྱོད
205a7 ཀྱིས་རྒྱ་མཚོ་ཆེན་པོ་བཞིའི་ཆུ་ཕབ་བམ། རྫི་རླུང་ཡུག་བུས་ཀྱང་སོད་པར་མི་འགྱུར་རོ།། དེ་བས་ན་མེ་མར་འདི་ནི་ཀུན་གྱི་དོན་རྒྱ་ཆེན་པོར་བྱེད་པ་བསམ་པ་ཆེན་པོ་བསྐྱེད་པས་ཕུལ་བ་ཡིན་ནོ།།
iiif viewer powered by OpenSeadragon
