| e-texts navigator |
| Wylie |
203a1 བོ་དྲང་སྲོང་དེ་ནི་ད་ལྟར་སོར་འཕྲེང་ཅན་ཡིན་ནོ། ། དེའི་ཚེ་དེའི་དུས་ན་མི་མང་པོ་གྲོས་མཐུན་པར་རྒྱལ་པོ་གསོད་གསོད་པ་ནི། སོར་འཕྲེང་ཅན་གྱིས་གསད་པའི་མི་འདི་དག
203a2 ཡིན་ཏེ། རྟག་ཏུ་སོར་འཕྲེང་ཅན་གྱིས་བསད་པར་གྱུར་ཏོ།། རྒྱལ་པོས་ཡང་པུས་མོ་ས་ལ་བཙུགས་ཏེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ།། དགེ་སློང་སོར
203a3 འཕྲེང་ཅན་འདི་མི་འདི་སྙེད་ཅིག་བསད་ན། ད་འབྲས་བུ་ཐོབ་པའི་འོག་ཏུ་རྣམ་པར་སྨིན་པ་མྱོང་བར་འགྱུར་རམ། བཅོམ་ལྡན་འདས་ཀྱིས་བཀའ་སྩལ་པ། རྒྱལ་པོ་ཆེན་པོ་སྡིག་པ་བྱས་ན
203a4 རྣམ་པར་སྨིན་པ་ངེས་པར་མྱོང་སྟེ། དགེ་སློང་འདི་ཡང་ད་ལྟར་གནས་ཁང་ན་སེམས་ཅན་དམྱལ་བའི་མེ་བ་སྤུའི་ཁུང་ཀུན་ནས་འབར་ཏེ། སྡུག་བསྔལ་མི་བཟད་པ་མྱོང་ཞིང་འདུག་གོ།། དེ་ནས
203a5 བཅོམ་ལྡན་འདས་ཀྱིས་འཁོར་མང་པོ་ལ་སྡིག་པའི་ལས་བྱས་ན། ངེས་པར་སྡིག་པ་རྣམ་པར་སྨིན་པར་རྟོགས་པར་བྱ་བའི་ཕྱིར། དགེ་སློང་གཅིག་ལ་འདི་སྐད་ཅེས་བཀའ་སྩལ་ཏོ།། དགེ
203a6 སློང་ཁྱོད་སོང་ལ་ལྡེ་མིག་ཁྱེར་ཏེ་དགེ་སློང་སོར་འཕྲེང་ཅན་གྱི་སྒོའི་བུ་གུར་ཆུག་ཅིག་ཅེས་བཀའ་སྩལ་ནས། དགེ་སློང་གིས་བཀའ་བཞིན་དུ་ལྡེ་མིག་ཐོགས་ཏེ་སྒོའི་བུ་གུར་བཅུག་ན། དེ་མ་ཐག
203a7 ཏུ་ཞུའོ། ། དགེ་སློང་དེ་དང་ངས་སྐྲག་ནས། ཕྱིར་བཅོམ་ལྡན་འདས་ཀྱི་སྤྱན་སྔར་འོངས་ཏེ། དེ་བཞིན་གསོལ་པ་དང་། བཅོམ་ལྡན་འདས་ཀྱིས། དགེ་སློང་དག་ལ་འདི་སྐད
iiif viewer powered by OpenSeadragon
