| e-texts navigator |
| Wylie |
202b1 གསོད་པར་བྱས་སོ། ། དེ་ནས་སྐྱེད་མོས་ཚལ་དུ་དཔུང་གི་ཚོགས་སྦས་ནས། རྒྱལ་པོ་རྫིང་བུར་འོངས་པའི་ཚེ་ཐམས་ཅད་ལོག་ནས་བཟུང་སྟེ་གསོད་པར་བྱས་སོ།། རྒྱལ་པོ་སྐྲག་ནས་ཁྱེད
202b2 རྣམས་ཅི་བྱེད་ཅེས་སྨྲས་པ་དང་། བློན་པོ་རྣམས་ཀྱིས་འདི་སྐད་ཅེས་སྨྲས་སོ།། རྒྱལ་པོ་ནི་ཆོས་བཞིན་མི་བྱེད་དོ།། འདོད་ཆགས་ཀྱིས་མྱོས་ནས་ཡུལ་མི་ཐམས་ཅད་ཀྱང་རིགས་སུན་ཅིང་སྤ་བབ
202b3 སྟེ། བདག་ཅག་མ་བཟོད་ཆེས་ནས་ཁྱོད་མེད་པར་བྱ་སྟེ། རྒྱལ་པོ་མཛངས་པ་གཟོད་བཙལ་ལོ་སྙམ་མོ།། རྒྱལ་པོས་དེ་སྐད་ཅེས་ཐོས་ནས་སྐྲག་པར་གྱུར་ཏེ། བློན་པོ་རྣམས་ལ་འདི་སྐད
202b4 ཅེས་སྨྲས་སོ། ། སྔོན་ཆད་ནི་བདག་གིས་ཉེས་པ་བདེན་གྱིས། ཕྱིན་ཆད་དེ་ལྟར་མི་བྱ་ན་གཏང་དུ་རུང་ངམ་མི་རུང་ཞེས་བསྒོ་བ་དང་། བློན་པོ་རྣམས་ཀྱིས་འདི་སྐད་ཅེས་སྨྲས་སོ།། གལ་ཏེ
202b5 གནམ་ལས་ཁ་བ་ནག་པོ་བབ་བམ། མགོ་ལ་སྦྲུལ་གདུག་པ་སྐྱེས་ཀྱང་མི་བཏང་གིས་མ་སྨྲ་ཞིག་ཅེས་བསྒོའོ།། རྒྱལ་པོས་དེ་སྐད་ཅེས་སྨྲས་པ་ཐོས་ནས། ད་ནི་གདོན་མི་ཟ་བར་གསད
202b6 དོ་སྙམ་སྟེ། ཁྲོས་ནས་བློན་པོ་རྣམས་ལ་འདི་སྐད་ཅེས་སྨྲས་སོ།། ང་སྔོན་རི་ལ་འདུག་སྟེ་འཇིག་རྟེན་ལ་མི་དགའ་བ་ལས་ནན་གྱིས་རྒྱལ་པོར་བཅུག་སྟེ་ད་ནི་ང་ལ་གསོད་དོ།། གར་སྐྱེས་གར
202b7 སྐྱེས་ཀྱང་ཁྱེད་དང་ཕྲད་དེ་ཁྱེད་ཀྱང་ངས་གསོད་པར་ཤོག་ཅིག་ཅེས་དམ་བཅས་སོ། ། དེ་ལྟར་དམ་བཅས་མོད་ཀྱི། འོན་ཀྱང་མ་གནང་སྟེ་བསང་ངོ་།། རྒྱལ་པོ་ཆེན་པོ་དེའི་ཚེ་དེའི་དུས་ན་རྒྱལ
iiif viewer powered by OpenSeadragon
