| e-texts navigator |
| Wylie |
201b1 གིས་འདི་སྐད་ཅེས་སྨྲས་སོ། ། རྒྱལ་པོ་ཆེན་པོའི་སྲས་ཆུང་ངུ་གཅིག་རྒྱལ་པོ་ལ་གསོལ་ཏེ། ད་ལྟར་རི་ལ་དྲང་སྲོང་བྱེད་ཅིང་འདུག་གིས། དེ་སྤྱན་དྲངས་ལ་རྒྱལ་པོར་གཞུག་གོ་ཞེས་སྨྲས་པ་དང་།
201b2 བློན་པོ་རྣམས་ཀྱིས་དེ་འདྲ་བ་ཞིག་ངེས་པར་ཡོད་དམ། དེ་འདྲ་བ་ཞིག་ཡོད་ན་ལྷ་སྤྱན་དྲངས་ལ་རྒྱལ་པོར་གཞུག་གོ་ཞེས་བགྲོས་ནས། རི་ལ་རྒྱལ་བུ་འཚོལ་དུ་དོང་ངོ་།། དེ་དག་རྒྱལ་བུ་དང
201b3 ཕྲད་ནས་བདག་ཅག་ལ་རྒྱལ་པོ་མེད་དེ། ཁྱོད་ཀྱིས་རྒྱལ་པོ་བྱ་དགོས་ཀྱིས་འདོང་ངོ་ཞེས་སྨྲས་པ་དང་། དྲང་སྲོང་གིས་ཚིག་འདི་ནི་འཇིགས་སུ་རུང་སྟེ། ཁོ་བོ་ནི་དབེན་པ་འདི་ན་རབ་ཏུ་བདེ
201b4 སྟེ་མྱ་ངན་ཅི་ཡང་མེད་དོ། ། འཇིག་རྟེན་པ་ནི་རང་བཞིན་གྱིས་མ་དུལ་བ་ཡིན་པས་རྒྱལ་པོ་ལ་ཡང་གསོད་དེ། བདག་གིས་མི་ནུས་སོ།། བློན་པོ་རྣམས་ཀྱིས་སྨྲས་པ། རྒྱལ་པོའི
201b5 གདུང་ཆད་དེ་གདུང་འཚོབ་པ་མེད་པས། དྲང་སྲོང་ཁྱོད་འབའ་ཞིག་རྒྱལ་པོའི་གདུང་ལ་གཏོགས་པ་ཡིན་ཏེ། ཡུལ་མི་ཐམས་ཅད་ཀྱང་མགོན་མེད་པར་གྱུར་གྱིས། འགྲོ་བ་མང་པོ་ལ
201b6 ཐུགས་བརྩེ་བའི་ཕྱིར་རྒྱལ་པོར་གཤེགས་སུ་གསོལ་ཞེས་སྨྲས་པ་དང་། དྲང་སྲོང་གིས་ཀྱང་མ་བཟོད་ནས། བློན་པོ་རྣམས་ཀྱིས་གསོལ་བ་བཞིན་དུ་ཕྱིར་ཡུལ་དུ་འོངས་ཏེ་རྒྱལ་པོ་བྱས་སོ།། །
201b7 དྲང་སྲོང་དེ་ཆུང་ངུ་ནས་འདོད་ཆགས་དང་མ་འབགས་པ་ལས། སྲིད་འཚོ་ཞིང་བགས་ཀྱིས་བུད་མེད་དང་འབགས་པས་འདོད་ཆགས་ལྷག་པར་ཆེ་བར་གྱུར་ཏེ། ཉིན་མཚན་དུ་འདོད་ཆགས
iiif viewer powered by OpenSeadragon
