| e-texts navigator |
| Wylie |
201a1 དུ་སོར་འཕྲེང་ཅན་གྱིས་རྟག་ཏུ་བསད་པར་གྱུར། བཅོམ་ལྡན་འདས་ཀྱིས། རྒྱལ་པོ་ལ་བཀའ་སྩལ་པ། རྒྱལ་པོ་ཆེན་པོ་ལེགས་པར་ཉོན་ཅིག་དང་བསྟན་པར་བྱའོ།།
201a2 སྔོན་འདས་པའི་བསྐལ་པ་གྲངས་མེད་པའི་ཕ་རོལ་ན། འཛམ་བུའི་གླིང་འདིར་ཡུལ་བཱ་རཱ་ནཱ་སི་ན་རྒྱལ་པོ་པ་ལ་དར་ཞེས་བྱ་བ་ཞིག་བྱུང་སྟེ། རྒྱལ་པོ་དེ་ལས་བུ་གཉིས་ཡོད་དེ། བྱང་གཟུགས
201a3 ལེགས་པ། བལྟ་ན་སྡུག་པ། རྩལ་དང་ལྡན་པའོ།། དེའི་ཚེ་སྲས་ཆུང་ངུ་ཤོས་ཀྱིས་འདི་སྙམ་དུ་བསམས་སོ།། གལ་ཏེ་བདག་གི་ཕ་ཚེ་འཕོས་ན་ཕུ་བོ་རྒྱལ་པོར་འགྱུར་རོ།། བདག
201a4 གཞོན་པས་རྒྱལ་པོ་ཡང་མི་འཐོབ་ན། མིར་སྐྱེས་ལ་རྒྱལ་པོ་མ་ཐོབ་ན་ཐ་མལ་པར་འདུག་ན་ཡང་ཅི་རུང་། དབེན་པར་སོང་ནས་དྲང་སྲོང་གི་ལམ་བཙལ་ལོ་སྙམ་བསམས་ནས། རྒྱལ་པོའི་ཐད
201a5 དུ་སོང་སྟེ་ཡབ་རྒྱལ་པོ་ལ་འདི་སྐད་ཅེས་གསོལ་ཏོ། ། བདག་ནི་རི་དབེན་པར་དྲང་སྲོང་གི་ལམ་བཙལ་བར་དགའ་འོ།། བདག་ལ་སྡུག་པར་འཛིན་ན་བསམ་པ་འདི་ལས་མ་ཟློག་ཅིག་ཅེས་ཡང
201a6 དང་ཡང་གསོལ་པ་དང་། རྒྱལ་པོས་ཀྱང་དེ་བཞིན་དུ་གནང་ནས་རི་དབེན་པར་སོང་ངོ་།། དེ་ནས་ལོ་མང་ཞིག་ལོན་པ་དང་། རྒྱལ་པོ་ཡབ་ཚེ་འཕོས་ནས་ཕུ་བོ་རྒྱལ་སར་གཤེགས་སོ།།
201a7 ཕུ་བོ་ཡང་རྒྱལ་སར་ཞུགས་ནས་རིང་པོར་མ་ལོན་པར་ནད་ཀྱིས་བཏབ་ནས་ཚེ་འཕོས་ཏེ་རིགས་འཚོ་བ་པའི་མི་མེད་དོ།། བློན་པོ་རྣམས་འདུས་ནས་ཇི་ལྟར་བྱ་བ་བགྲོས་པ་དང་། དེ་ལ་བློན་པོ་གཅིག
iiif viewer powered by OpenSeadragon
