| e-texts navigator |
| Wylie |
200b1 ཐབས་མཁས་པས་རྒྱ་ཆེར་སྤྲས། སྲོག་མི་གཅོད་པའི་ཡོན་ཏན་དང་། བསོད་ནམས་རྒྱ་ཆེན་པོ་དང་། བྱམས་པའི་སེམས་ཀྱང་རྒྱས་པར་བསྟན་པས། རྒྱལ་པོ་རྐང་བཀྲ་རབ་ཏུ་དགའ་རངས
200b2 ནས་སྤྱི་བོས་ཕྱག་འཚལ་ནས་བསྟན་པ་བཞིན་དུ་ཕྱིན་ཆད་སྲོག་གཅོད་པ་བཏང་ནས། རྒྱལ་པོ་བྲག་ཕུག་ཏུ་བཅུག་པའི་རྣམས་ཀྱང་སོ་སོར་ཡུལ་ཡུལ་དུ་བཀྱེའོ།། དེ་ནས་སུ་ཏ་སོམས་དཔུང
200b3 གི་ཚོགས་བཤམས་ནས། རྒྱལ་པོ་རྐང་བཀྲ་བ་སུ་སྟེ་ཕྱིར་ཡང་རྒྱལ་པོར་བཅུག་གོ། དེར་ནི་དྲང་སྲོང་གིས་དམོད་པ་བོར་བའི་ལོ་བཅུ་གཉིས་ཀྱང་ཚང་བས། དེ་ཕྱིན་ཆད་མི་ཤ་ཡང་མི་ཟ་སྟེ་སྔོན
200b4 བཞིན་དུ་རྒྱལ་པོ་བྱས་སོ། ། རྒྱལ་པོ་ཆེན་པོ་དེའི་ཚེ་དེའི་དུས་ན་སུ་ཏ་སོ་མ་རེ་ནི་ད་ལྟར་ང་ཡིན་ནོ།། རྒྱལ་པོ་རྐང་བཀྲ་དེ་ནི་ད་ལྟར་སོར་འཕྲེང་ཅན་ཡིན་ནོ།། དེའི་ཚེ་ལོ་བཅུ་གཉིས་ཀྱི་བར་དུ་རྐང
200b5 བཀྲས་མི་ཟོས་པ་རྣམས་ནི། སོར་འཕྲེང་ཅན་གྱིས་གསང་པའི་མི་རྣམས་ཡིན་ནོ།། མི་འདི་དག་ཀྱང་གང་ནས་གང་དུ་སྐྱེས་པར་རྟག་ཏུ་སོར་འཕྲེང་ཅན་གྱིས་བསད་པར་གྱུར་ལ། ངས་ཀྱང་སྐྱེ་བ་ཐམས
200b6 ཅད་དུ་དགེ་བ་ལ་བཀོད་པར་གྱུར་ཏོ། ། ངས་སྔོན་དུ་དྲན་པ་སྔོན་མ་རབས་བྱེད་པའི་ཚེ་ཡང་གསོད་པ་ལས་བཟློག་ནུས་ན། ད་མངོན་པར་སངས་རྒྱས་ཏེ་ཡོན་ཏན་ཕུན་སུམ་ཚོགས་ལ
200b7 སྡིག་པ་ཡོངས་སུ་སྤངས་ན། འདི་དག་འདུལ་བར་གྱུར་པ་ལྟ་ཅི་སྨོས། རྒྱལ་པོས་ཡང་བཅོམ་ལྡན་འདས་ལ་འདི་སྐད་ཅེས་གསོལ་ཏོ།། མི་འདི་དག་སྔོན་ཅི་ཞིག་བགྱིས་ན། སྐྱེ་བ་ཐམས་ཅད
iiif viewer powered by OpenSeadragon
