| e-texts navigator |
| Wylie |
19b1 དེའི་ཚེ་དེའི་དུས་ན་རྒྱལ་པོ་དེའི་བཙུན་མོ་དེ་ནི་ཡུམ་ལྷ་མཛེས་ཡིན་ནོ།། དེའི་དུས་ན་སྲས་རབ་སྒྲ་ཆེན་པོ་ནི་བྱམས་པ་ཡིན་ནོ།། སྲས་འབྲིང་པོ་ལྔ་ཆེན་པོ་ནི་བ་སུ་མི་ར་ཡིན་ནོ།། དེའི་ཚེ་དེའི་དུས
19b2 ན་རྒྱལ་བུ་ཐ་ཆུང་སེམས་ཅན་ཆེན་པོ་དེ་ནི་གཞན་དུ་མ་སེམས་ཤིག་ད་ལྟར་ང་ཡིན་ནོ། ། དེའི་དུས་ན་སྟག་ཕྲུག་ནི་མི་འདི་གཉིས་ཡིན་ཏེ། ངས་སྔོན་ཡང་ཡུན་རིང་པོ་ནས་བགེགས་ལས
19b3 ཐར་པར་བྱས་ཏེ་སྲོག་བསྐྱབས་ནས་བདེ་བར་བྱས་སོ། ། ང་མངོན་པར་སངས་རྒྱས་ནས་ཀྱང་བགེགས་ལས་ཐར་པར་མཛད་ནས། འཁོར་བའི་སྡུག་བསྔལ་ཆེན་པོ་དང་ཡོངས་སུ་བྲལ་ལོ།།
19b4 དེའི་ཚེ་ན་ཀུན་དགའ་བོ་དང་། འཁོར་མང་པོ་ཐམས་ཅད་བཅོམ་ལྡན་འདས་ཀྱིས་གསུངས་པ་ལ་ཡི་རངས་ཏེ་མངོན་པར་དགའ་འོ།། སེམས་ཅན་ཆེན་པོས་སྟག་མོ་ལ་ལུས་བྱིན
19b5 པའི་ལེའུ་སྟེ་གཉིས་པའོ། ། །། ཀུན་ཏུ་རྒྱུས་ཚུལ་ཁྲིམས་བསྲུངས་པའི་ལེའུའོ།། འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་མཉན་ཡོད
19b6 ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། ། དེའི་ཚེ་ན་ནམ་གྱི་ཆ་སྟོད་ན་ལྷ་གཉིས་ཤིག་སངས་རྒྱས་གང་ན་བ་དེར་འོངས་སོ།། ལྷ་དེའི་ལུས་ཀྱི
19b7 འོད་ཀྱིས་རྒྱལ་བུ་རྒྱལ་བྱེད་ཀྱི་ཚལ་གསེར་གྱི་མདོག་ལྟར་གཅིག་ཏུ་སྣང་བར་བྱས་སོ། ། དེ་ལ་བཅོམ་ལྡན་འདས་ཀྱིས་ཅི་རིགས་སུ་དམ་པའི་ཆོས་བསྟན་པས་སེམས་རྣམ་པར་གྲོལ་ཏེ།
iiif viewer powered by OpenSeadragon
