| e-texts navigator |
| Wylie |
18b1 དབུགས་བྱིན་ཏེ། བུ་གཉིས་དང་། བཙུན་མོ་དང་། ཕོ་བྲང་སླས་སུ་བཅས་ཏེ་མྱུར་བར་རྒྱལ་བུ་གང་དུ་ཚེ་འཕོས་པའི་གནས་སུ་སོང་ངོ་།། དེའི་ཚེ་ན་སྟག་མོས་རྒྱལ་བུའི་ཤ་ནི་ཟད་པར་ཟོས་ཀྱི།
18b2 རུས་པ་དང་ཁྲག་འབའ་ཞིག་ས་ལ་བཙོག་བཙོག་ལྟར་འདུག་པ་མཐོང་ནས། བཙུན་མོས་ནི་མགོ་ནས་བཟུང་། རྒྱལ་པོས་ནི་ལག་པ་གཟུང་སྟེ་ཆོ་ངེས་བཏབ་ནས་ངུས་པ་དང་། དེར་ཡང
18b3 འཁམས་ནས་རིང་ཞིག་ལོན་པ་དང་ཕྱིར་སངས་སོ། ། རྒྱལ་བུ་སེམས་ཅན་ཆེན་པོ་དེ་དེར་ཚེ་འཕོས་ནས་དགའ་ལྡན་ལྷའི་གནས་སུ་སྐྱེས་སོ།། དེ་ཅིའི་ཕྱིར་ཅི་སྤྱད་པས་འདིར་སྐྱེས་སྙམ་བསམས
18b4 ཏེ། ལྷའི་མིག་གིས་རྒྱུད་ལྔ་ཀུན་ཏུ་བརྟགས་ན་བདག་ཚེ་འཕོས་པའི་རུས་བུ་ཚལ་ན་འདུག་པ་ལ་ཕ་མས་བསྐོར་ཏེ་ཤིན་ཏུ་ཡིད་ལ་གཅགས་པས་མྱ་ངན་གྱི་ཟུག་རྔུས་སྡུག་བསྔལ་ཞིང་ཆོ་ངེས་འདེབས
18b5 པབ་མཐོང་ནས། ལྷས་བསམས་པ། བདག་གི་ཕ་མ་འདི་ལྟར་མི་དགའ་བའི་རྐྱེན་གྱིས་གལ་ཏེ་ན་ལུས་དང་སྲོག་གི་བར་ཆད་དུ་འགྱུར་གྱིས། དེ་ལ་སྤྲོ་བ་བསྐྱེད་ཅིང་གཏམ་བྱར་འགྲོ་སྙམ
18b6 བསམས་ནས་ནམ་མཁའ་ལས་བབས་ཏེ། སྟེང་གི་ནམ་མཁའ་ལས་ཚིག་སྙན་པ་རྣམ་པ་སྣ་ཚོགས་ཀྱིས་ཕ་མ་གཉིས་སྤྲོ་བ་བསྐྱེད་དོ།། ཕ་མ་གཉིས་ཀྱིས་ནམ་མཁར་བལྟས་ནས། ལྷ
18b7 ཁྱོད་སུ་ཞིག་བདག་ལ་སྨྲོས་ཤིག་ཅེས་སྨྲས་པ་དང་། ལྷས་སྨྲས་པ། བདག་ནི་རྒྱལ་བུ་སེམས་ཅན་ཆེན་པོ་ཞེས་བྱ་བ་ཡིན་ཏེ། བདག་གིས་ལུས་སྟག་མོ་ལྷོགས་པ་ལ་བྱིན་ནས་དགའ་ལྡན
iiif viewer powered by OpenSeadragon
