| e-texts navigator |
| Wylie |
189a1 ཅིའི་ཕྱིར་ཁྱོད་འདི་ལྟར་གྱུར་ཅེས་དྲིས་པ་དང་། ཆུང་མས་མཆི་མ་བླགས་ཏེ། དྲི་བའི་རིན་མི་ཆོག་གོ་ཞེས་སྨྲས་སོ།། སློབ་དཔོན་བྲམ་ཟེས་ཅི་ཉེས་པ་སྨྲོས་ཤིག།
189a2 ཅེས་ནན་གྱིས་དྲིས་པ་དང་། ཆུང་མ་ངུས་ཏེ་འདི་སྐད་ཅེས་སྨྲས་སོ།། ཁྱོད་ཀྱིས་རྟག་ཏུ་བསྟོད་པའི་མི་གདུང་བ་ནི། ཁྱོད་སོང་བའི་འོག་ཏུ་རྟག་པར་ཁོ་མོ་ལ་ཉལ་བར་བཀུག་སྟེ། ཁོ་མོ་མ
189a3 བཏུབ་པས། ཁོ་མོའི་གོས་ཀྱང་དྲལ། གདོང་ལ་ཡང་རྨ་བྱུང་བ་ཡིན་ཏེ། ཁྱོད་ལ་འདི་ལྟ་བུའི་སློབ་མ་བདོག་གམ། བྲམ་ཟེས་དེ་སྐད་ཅེས་ཐོས་ནས་ཤིན་ཏུ་ཁྲོས་ཏེ་ཆུང་མ་ལ་འདི་སྐད
189a4 ཅེས་སྨྲས་སོ། ། མི་གདུང་བ་འདི་སྟོབས་ནི་གཅིག་པུས་སྟོང་ཡང་ཐུབ་ལ་བློན་པོ་ཆེན་པོའི་བུ་ཡིན་ཏེ། ཆོ་རིགས་བཙུན་པས་ཉེས་པ་ཞིག་བྱ་ན་ཡང་། བགས་ཀྱིས་བྱ་དགོས་སོ་ཞེས་སྨྲས
189a5 ནས་མི་གདུང་བའི་དྲུང་དུ་སོང་སྟེ། ཅི་རིགས་པར་སྙན་པའི་ཚིག་གིས་སྤྲོ་བ་བསྐྱེད་ནས། ཁོ་བོ་སོང་བའི་ཕྱི་ན་ལས་ཆེན་པོ་དང་ཉོན་མ་མོངས་སམ་ཞེས་གཏམ་དྲིས་ནས་འདི་སྐད་ཅེས་བསྒོའོ།།
189a6 ཁྱོད་ཀྱིས་སྔ་ཕྱིར་ཁོ་བོ་ལ་ཆུ་གང་གིས་སྙིང་ཉེ་སྟེ། ཁྱོད་ཀྱི་དྲིན་རྟག་ཏུ་དྲན་པས། ད་ནི་ཁྱོད་ལ་གསང་བའི་ཆོས་གཅིག་པུ་ཞིག་ཡོད་པས། སྔོན་ཆད་མ་བསྟན་པ་ཁྱོད་ལ་བསྟན་གྱིས།། གལ
189a7 ཏེ་ཁྱོད་ཀྱིས་དེ་བཞིན་དུ་བྱས་ན། གདོན་མི་ཟ་བར་ཚངས་པའི་ལྷར་སྐྱེའོ་ཞེས་སྨྲས་སོ།། ཁྱེའུ་མི་གདུང་བ་པུས་མོ་ས་ལ་བཙུགས་ཏེ་བསྟན་པར་གསོལ་བ་དང་། མི་གདུང་བ་ལ་འདི་སྐད་ཅེས་བསྒོའོ།།
iiif viewer powered by OpenSeadragon
