| e-texts navigator |
| Wylie |
187b1 མཁན་བོས་ནས་བུ་བསྟན་པ་དང་། མཚན་མཁན་དགའ་བའི་མདངས་ཀྱིས་འདི་སྐད་ཅེས་སྨྲས་སོ།། བུ་འདི་ནི་བསོད་ནམས་ཀྱི་མཚན་དང་ལྡན་ཏེ། ཀུན་ལས་འཕགས་པར་ཡིང་གཞུངས
187b2 ལ་མཁས་པའི་བློ་དང་ལྡན་ནོ། ། ཁྱེའུའི་ཕས་དེ་སྐད་ཅེས་ཐོས་ནས་ཁྱེའུའི་མིང་ཇི་སྐད་གདགས་ཞེས་དྲིས་པ་དང་། མཚན་མཁན་གྱིས་ཁྱེའུ་འདི་མངལ་དུ་ཆགས་ནས་ཡ་མཚན་དུ་གྱུར་པ་ཅི་ཡོད
187b3 ཅེས་དྲིས་སོ། ། བློན་པོས་སྨྲས་པ། ཁྱེའུ་འདིའི་མ་སྔོན་རང་བཞིན་འཇམ་ཞིང་ངེས་པ་ཙམ་མ་ཡིན་པ་ལས། བུ་འདི་མངལ་དུ་ཆགས་ནས་ལྷག་པར་འཇམ་ཞིང་ངེས་ཏེ། གཞན་གྱི་ཡོན་ཏན
187b4 དང་ལེགས་པ་བརྗོད་པར་དགའ་ཡི། ཉེས་པ་བརྗོད་པར་མི་དགའ་ལ། ཉོན་མོངས་པ་འཕོངས་པ་ལ་བྱམས་ཤིང་བརྩེ་བར་གྱུར་ཏོ།། མཚན་མཁན་གྱིས་སྨྲས་པ། འདིའི་བུའི་ཡོན
187b5 ཏན་ཡིན་ཏེ། བུའི་མིང་ཡང་མི་གདུང་བ་ཞེས་བཏགས་སོ།། དེ་ནས་གསོས་བསྐྱེད་དེ་ཆེར་སྐྱེས་ནས། སྟོབས་ཀྱང་གྱད་སྟོབས་པོ་ཆེའི་ཚད་དུ་ཕྱིན་ཏེ། གཅིག་པུས་མི་སྟོང་ཡང་ཐུབ་ལ
187b6 ནམ་མཁའ་ལ་བྱ་འཕུར་བ་ཡང་མཆོངས་པས་ཟིན་ཏེ། མགྱོགས་ཁྱད་ཀྱང་རྟ་དང་བང་མཉམ་ནས། བུ་དེ་ལ་ལྷག་པར་སྡུག་ཅིང་བྱམས་པར་གྱུར་ཏེ། དེའི་ཚེ་ཡུལ་དེ་ན་བྲམ་ཟེ་མཁས་པའི
187b7 རིགས་དང་ལྡན་པ་མང་དུ་ཐོས་པ། གཙུག་ལག་ལ་མཁས་པ་ཞིག་ཡོད་དེ། བྲམ་ཟེ་དེ་ལ་སློབ་མ་ལྔ་བརྒྱ་ཙམ་རྟག་ཏུ་རྗེས་སུ་སློབ་བོ།། དེའི་ཚེ་བློན་པོ་དེས་ཀྱང་བུ་ཁྲིད་དེ་བྲམ་ཟེ་ལ་གཏད
iiif viewer powered by OpenSeadragon
