| e-texts navigator |
| Wylie |
187a1 ལྟར་ང་ཡིན་ནོ། ། བ་ལ་དབར་ནེ་ལྷ་སྦྱིན་ཡིན་ནོ།། བྲམ་ཟེ་མིག་སློང་བ་དེ་ནི་ད་ལྟར་གྱི་བྲམ་ཟེ་ལོང་བ་དགྲ་བཅོམ་པ་ཐོབ་པ་ཡིན་ཏེ། སྔོན་ཡང་མིག་བྱིན་པ་ནས།
187a2 ད་ལྟར་གྱི་བར་དུ་ཡང་ཤེས་རབ་ཀྱི་མིག་བྱིན་ཏེ་ཁྱེད་ཀྱི་ཕྱིར་སྐྱེ་བ་ཐམས་ཅད་དུ་དཀའ་བ་སྤྱད་ནས་མངོན་པར་སངས་རྒྱས་སོ།། ཁྱེད་ཀྱང་འབྱུང་བའི་ལམ་ལ་བརྩོན་འགྲུས་གྱིས་ཤིག། བཅོམ་ལྡན
187a3 འདས་ཀྱིས་དེ་སྐད་ཅེས་བཀའ་སྩལ་ནས། འཁོར་མང་པོའི་རྣམས་ཁ་ཅིག་གིས་རྒྱུན་དུ་ཞུགས་པ་དང་། ལན་ཅིག་ཕྱིར་ལྡོག་པ་དང་། ཕྱིར་མི་ལྡོག་པ་དང་། དགྲ་བཅོམ་པ་ཐོབ
187a4 པར་གྱུར་ཏོ། ། ཁ་ཅིག་གིས་ནི་བླ་ན་མེད་པའི་བྱང་ཆུབ་ཏུ་སེམས་བསྐྱེད་དོ།། ཀུན་དགའ་བོ་དང་འཁོར་མང་པོ་རྣམས་བཅོམ་ལྡན་འདས་ཀྱིས་གསུངས་པ་ལ་རྗེས་སུ་ཡི་རང་ནས་མངོན་པར
187a5 དགའ་འོ། ། རྒྱལ་པོ་མིག་འབྱེད་ཀྱི་ལེའུ་སྟེ་སུམ་ཅུ་ལྔ་པའོ།། །། མི་གདུང་བ་སོར་འཕྲེང་ཅན་གྱི་ལེའུའོ།། འདི་སྐད་བདག་གིས་ཐོས་པའི་དུས་གཅིག་ན།
187a6 བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ།། དེའི་ཚེ་ན་རྒྱལ་པོ་གསལ་རྒྱལ་ལ། བློན་པོ་མཁས་པ་རིགས་དང་ལྡན
187a7 པ་བཙན་ཕྱུག་པ་ཞིག་ཡོད་དེ། དེའི་ཆུང་མ་སེམས་ཅན་དང་ལྡན་པར་གྱུར་ནས། བུ་ཁྱེའུ་མཚན་དང་ལྡན་པ། བྱང་གཟུགས་ལེགས་པ། དཔེ་ཟླ་མེད་པ་ཞིག་བཙས་ཏེ། མཚན
iiif viewer powered by OpenSeadragon
