| e-texts navigator |
| Wylie |
186a1 ཞེས་བསྒོ་ནས། མིག་ཡ་གཅིག་ཀྱང་ཕྱུང་སྟེ་ལག་ཏུ་བླངས་ནས། སྨོན་ལམ་སྔ་མ་བཞིན་དུ་བཏབ་བོ།། བྲམ་ཟེའི་མིག་ཏུ་བཅུག་ནས་བྲམ་ཟེའི་མིག་གཉིས་ཀས
186a2 མཐོང་བར་གྱུར་ཏོ། ། དེའི་ཚེ་ན་གནམ་ས་ཀུན་ཡང་གཡོས། ལྷའི་ཕོ་བྲང་ཀུན་ཡང་འགུལ་ཞིང་ལྡེག་སྟེ། ལྷ་རྣམས་ངོ་མཚར་དུ་གྱུར་ནས། ཐམས་ཅད་ཀྱིས་བྱང་ཆུབ་སེམས་དཔས་མིག
186a3 གིས་སྦྱིན་པ་བྱས་པར་མཐོང་ནས་སྟེང་གི་ཕྱོགས་ཀྱི་ནམ་མཁའ་ལ་ལྷགས་ཏེ། ལྷ་རྫས་ཀྱི་མེ་ཏོག་དང་སྤོས་ཀྱིས་མཆོད་པ་བྱས་ནས་ལེགས་སོ་ལེགས་སོ་ཞེས་བསྟོད་དོ།། བརྒྱ་བྱིན་ཡང
186a4 དེར་འོངས་ཏེ། བྱང་ཆུབ་སེམས་དཔའ་ལ་འདི་སྐད་ཅེས་སྨྲས་སོ།། འདི་ལྟར་ཤིན་ཏུ་སྤྱོད་དཀའ་བ་བྱ་བ་འདིས་རྣམ་པར་སྨིན་པའི་ལན་ཅི་ཞིག་འདོད། བྱང་ཆུབ་སེམས་དཔས་སྨྲས་པ།
186a5 བདུད་ཀྱི་རྒྱལ་པོ་འམ། ཚངས་པ་འམ། བརྒྱ་བྱིན་ནམ། རྒྱལ་ཆེན་བཞི་འམ། འཁོར་ལོས་སྒྱུར་བའི་རྒྱལ་པོ་ལ་སོགས་ཏེ། ཁམས་གསུམ་གྱི་བདེ་བ་འདོད་པ་མ་ཡིན་གྱི
186a6 བསོད་ནམས་འདིས་མངོན་པར་བྱང་ཆུབ་ནས། སེམས་ཅན་ཐམས་ཅད་མྱ་ངན་ལས་འདའ་བའི་བདེ་བ་ལ་དགོད་པའི་ཕྱིར་རོ།། བརྒྱ་བྱིན་གྱིས་ཡང་སྨྲས་པ། འདི་ལྟར་མིག་ཕྱུང་བ་འདི
186a7 རབ་ཏུ་སྡུག་བསྔལ་བར་གྱུར་ན་འགྱོད་པ་འམ། ཁྲོ་བའི་སེམས་མ་བྱུང་ངམ། རྒྱལ་པོས་སྨྲས་པ། འགྱོད་པ་ཡང་མེད། ཁྲོ་བའི་བག་ཀྱང་མེད་དོ།། བརྒྱ་བྱིན་གྱིས་སྤྲས་པ།
iiif viewer powered by OpenSeadragon
