| e-texts navigator |
| Wylie |
181b1 ལ་བཙུན་མོ་དང་ཕོ་བྲང་སྲས་ཉི་ཁྲི་ཡོད་དེ། རྒྱལ་བུ་ནི་ལྔ་བརྒྱ་སྙེད་ཡོད་དོ།། རྒྱལ་ཚབ་ནི་ཚུལ་ཁྲིམས་བཟང་པོ་ཞེས་བྱ་སྟེ། རྒྱལ་པོ་དེ་ཚུལ་བཞིན་དུ་རྒྱལ་པོ་བྱེད་པས། ཐམས་ཅད་ལ་བུ
181b2 གཅིག་པ་དང་འདྲ་བར་སེམས་ཏེ། རླུང་དང་ཆར་དུས་ལས་མི་ཡོལ་བས་ལོ་ལེགས་ཏེ་ཐམས་ཅད་བདེ་སྐྱིད་དོ།། དེ་ནས་རྒྱལ་པོ་དེ་དབེན་པ་ཞིག་ན་འདི་སྙམ་དུ་སེམས་པར་གྱུར་ཏོ།། བདག་ནི
181b3 ཚེ་སྔ་མའི་བསོད་ནམས་ཀྱིས་མིའི་རྒྱལ་པོར་གྱུར་ཏེ། ནོར་རིན་པོ་ཆེ་དང་ལོངས་སྤྱོད་ཆེན་པོ་དང་ལྡན་ཞིང་ཐམས་ཅད་ཀྱིས་ངག་མཉན་པ་ནི། ཇི་ལྟར་རྩཝ་འཇམ་པོ་ལ་རླུང་གིས་བཏབ་ན། ཕྱོགས
181b4 གཅིག་ཏུ་ཉལ་བ་བཞིན་ནོ། ། ཚེ་འདི་ལ་ཡང་ཕྱི་མའི་འབྲས་བུ་མ་བསྐྱེད་ན་སྡུག་བསྔལ་བར་འགྱུར་ཏེ། དཔེར་ན་ཞིང་པ་དག་དཔྱིད་མང་དུ་རྨོས་ན། སྟོན་ཡང་མང་དུ་བསྡུར་ཡོད་པས། བདག
181b5 ཀྱང་ཚེ་འདིའི་དཔྱིད་ས་བོན་མ་བཏབ་ན། ཚེ་ཕྱི་མའི་སྟོན་ཐོག་བསྡུར་མེད་པས། ད་ནི་ལེ་ལོ་བྱ་བར་མི་རིགས་ཀྱི་བསོད་ནམས་ཀྱི་ཞིང་ལ་ས་བོན་རྒྱས་པར་གདབ་བོ་སྙམ་བསམས་ནས། བློན
181b6 པོ་ལ་འདི་སྐད་ཅེས་བཀའ་སྩལ་ཏོ། ། ངའི་དཀོར་བང་མཛོད་ཐམས་ཅད་ཕྱུང་ལ། གྲོང་ཁྱེར་གྱི་སྒོ་དང་ལམ་སྲང་མི་མང་པོ་འདུ་བའི་གནས་སུ་ཐམས་ཅད་སྤུངས་ལ། འགྲོ་བ་མང་པོ་ལ་སྦྱིན
181b7 པར་བྱའོ། ། རྒྱལ་ཕྲན་བརྒྱད་ཁྲི་བཞི་སྟོང་གི་བང་མཛོད་ཀྱང་ཐམས་ཅད་ལ་ཡིད་བཞིན་དུ་བྱིན་ཅིག་ཅེས་བསྒོ་ནས། གསེར་གྱི་རྒྱལ་མཚན་བསྒྲེང་། དྲིལ་ཆེན་པོ་བསྒྲགས་ཏེ། འཛམ་བུའི་གླིང
iiif viewer powered by OpenSeadragon
